طـراطــيـش كــلام

عن ثورة رومانيا وثورة مصر... كابوس يتجدد

2011-05-26T14:24:00.002+02:00

آثرت أن اؤجل تدوينتى عن الثورة المصريه الثانيه حتى اليوم، فلم تكن الصوره واضحه لى حتى الواحده صباحا من يومنا هذا، ها هى ...

فى السادس عشر من شهر ديسمبر 1989 بدأت سلسة من التظاهرات شديدة الوطئه على النظام الديكتاتورى فى رومانيا وعلى رأسه نيكولا شاوشيسكو وزوجته ايلينا، استمرت التظاهرات حتى يوم 22 ديسمبر حينما حاول شاوشيسكو الهروب من القصر الرئاسى وتم القبض عليه تمهيدا لمحاكمته يوم 25 ديسمبر، حيث حكم عليه وعلى زوجته بالاعدام رميا بالرصاص وتم تنفيذ الحكم فورا.

أسباب الثورة على الديكتاتور لا تحتاج الى تفنيد كثير، فهى تتلخص فى اوضاع اقتصاديه سيئه وادارة غبية لموارد البلاد فى مشاريع فاشلة او غير ذات جدوى تعود على الشعب بالخير والاهم من ذلك جيش من القوات الامنيه تقبض على مقدرات الامور فى البلاد واتهامات الخيانه والعماله تطال كل من لا يتعاون معها فى ظل حكم شمولى لحزب اوحد هو الحزب الاشتراكى الرومانى.

كل هذا جيد ويبشر بالخير، ولكن تعالوا لنعرف بقية الاحدث وتبعاتها، امسك بالحكم بعد شاوشيسكو جهة سياسية جديده اسمها "جبهة الخلاص الوطنى" ، هذه الجبهة تكونت او بمعنى اصح "انبثقت" من قيادات الصف الثانى فى الحزب الشيوعى الرومانى بمساعدة من جنرالات الجيش، قائد تلك الجبهة هو إيون إيليسكو، العضو السابق بالحزب الشيوعى واحد حلفاء الديكتاتور المعدوم، بدأت سلسة من الاحداث التى وصفت بالارهابية واتهمت فيها القوات الموالية لشاشيكسو والتى ترفض الاعتراف بالوضع الجديد للبلاد، وتم اجهاض معظم تلك الهجمات، قام إيون وجبهته بالسيطره على التليفزيون والراديو وباقى وسائل الاعلام فى الدولة، واستخدمها فى الدعايه المضاده وتشوية صورة المعارضه الديموقراطيه التى خرجت اخيرا للعلن بعد اكثر من 50 عاما من العمل السرى خوفا من النظام الشيوعى حديدى القبضه.

فى يناير 1990 قام عمال المناجم بمساعدة رجال الشرطه بالهجوم على الطلبه والمثقفين اثناء تظاهرهم احتجاجا على ما وصفوه باختطاف الثوره الرومانيه على يد اعضاء الحزب الشيوعى المنحل تحت اسم جديد "جبهة الخلاص الوطنى" فى محاولة لقمع اى معارضة سياسية حقيقية فى البلاد، جدير بالذكر ان إيليسكو هو من حرض العمال ورجال الشرطه على هذا الهجوم.

فى مايو من نفس العام نجحت جبهة الخلاص بالفعل فى اسكات المعارضه الديموقراطيه باستخدام الاعلام الموجه وتم انتخاب إيون إيليسكو رئيسا للبلاد بنسبة 85% من الاصوات، وهى الانتخابات التى وصمت بعدم النزاهه من قبل الاحزاب الديموقراطيه والاعلام الغربى، اعيد انتخاب نفس الرجل ثلاث مرات حتى العام 2000 .

الجدير بالذكر حينما نتحدث عن ثمن تلك الثورة المجهضه هو عدد الضحايا : العدد الكلى لمن ماتوا كان 1,104 رومانيا منهم 162 فقط قبل تنحية شاشيسكو والباقون فى فترة الانفلات الامنى المدبره على يد جبهة الخلاص الوطنى، اصيب 3,352 رومانيا منهم 1,107 قبل القبض على الديكتاتور، اذن نحن نتكلم عن حرية مجهضة دفع ثمنها لمن ادعوا انهم راعوها وانهم سوف يحمون الثورة وابنائها، نتكلم عن 942 قتيل و 2,245 جريح بعد ان امسكت جبهة الخلاص الوطنى بزمام الامور.

الان يضرب المثل بالثورة الرومانيه فى انها اضحكت العالم على شعب هذا البلد، بل وباعتراف اهلها انفسهم ان ما دفعوه من ثمن مبالغ فيه مقابل ما اخذوه حتى اليوم، ففى مقابلة مع رويترز عام 2009 حكى احد من شهدوا هذه الثورة عن انطباعه عنها فى ذكرى اشتعالها، يقول كورنيا: خيبة الامل - هذه هي الكلمة التي يمكن أن تشرح بعد عشرين عاما ما حدث. أناس ماتوا وضحوا بحياتهم من أجل الحرية ومن أجل رفاهية اخرين استمروا في العيش برومانيا. وهناك أقوال يرددها عدد كبير من الناس بأن الثمن الذي دفع كان باهظا للغاية."

عذرا على تلك المقدمه الطويله جدا لما اريد ان اقوله، الثورة المصرية اليوم على مفترق الطرق، نجد الشريك الرسمى للحزب الوطنى فى حكم البلاد – الاخوان المسلمين- يكررون اخطاء ماضيهم وفى نفس الوقت يتعاملون مع الجيش وكأنه ثلة من السذج المغفلين، فالان بدأت حملة التخوين والاتهام بالتآمر لكل من لا ينصاع لرأيهم السياسى، وفى نفس الوقت نجد المجلس العسكرى يقوم بتصرفات اظنها تشبه الى حد بعيد تصرفات جبهة الخلاص الوطنى الرومانيه، فعدد من تعرضوا للمحاكمات فى العسكريه فى عصر مبارك المخلوع كله لا تتجاوز ربع من تعرضوا لها فى عصر ما بعد الثوره، وهى مفارقه تبعث على الاستغراب والتهكم، وتقرع فى رؤوسنا جميعا جرسا للانذار، ما يرتب لا يمكن السكوت عليه، وما يفعل مشين على جميع الاصعده، سوف اشارك غدا فى جمعه الثورة الثانيه او ايا كان اسمها، سأشارك لان المجلس العسكرى ظن بالثوار ظنا ساذج، وهو اننا خرجنا لخلع مبارك وشلة الافاقين من حوله وكفى، لا ياساده، هى ثورة شاملة، لقد خرجنا لازالة نظام كامل الاركان، يعشش الفساد فى كل جزء منه، ونعم، انتم جزء فاسد عفن منه، ولكن الصبر عليكم شيمه الثوار، والتفكر فى العفو عنكم لا يغيب عن بالنا، ولكن ..

قدم السبت عشان تلاقى الحد يا مجلس

المصادر:

http://en.wikipedia.org/wiki/Romanian_Revolution_of_1989

http://en.wikipedia.org/wiki/Ion_Iliescu

http://ara.reuters.com/article/idARACAE5BF0Z820091216?pageNumber=2&virtualBrandChannel=0

http://iosifthoughts.files.wordpress.com/2011/01/romanian_revolution_1989_1.jpg

http://www.yalibnan.com/wp-content/uploads/2011/01/egypt-anti-gov-protests-army-tank.jpg

التباديل والتوافيق الاجراميه: لعبة وزارة الداخلية

2011-03-02T22:31:00.003+02:00

الباشا اثناء حديثه الصحفى الملون والمخادع لجريدة اليوم السابع - الرابط مدمج بالنص فى التدوينه

صور التقطتها بنفسى لمدير الامن اثناء اشرافه على التنكيل بنا فى مظاهرات يوم الغضب 25 يناير

النظام المصرى لازال مصرا على المكابرة والعناد متمثلا فى وزارة داخليته الخسيسه ووزير الداخليه المرواغ محمود وجدى، فبعد ان بدأت وعود التهدئه بإقالة وتغيير كل الفاسدين والمجرمين بالوزارة فوجئنا ان التغيير الوحيد الذى حدث هو تغيير اماكن تواجد هؤلاء المجرمين، فكان اولها نقل مدير امن الاسكندرية المجرم محمد ابراهيم الذى شارك فى جريمة قتل خالد سعيد وغيره عن طريق ضباط وخفراء قسم سيدى جابر، شارك بالصمت فالتستر فالحماية والمكابره لهم ولكل فاسدى هذا الجهاز العفن، لقد تم نقله ببساطه -وكمدير للأمن ولا أقل - إلى مدينة بورسعيد الباسلة، ليستمر فى ممارسته جرائمه وفساده.

واليوم اكتشف ان مدير امن الدقهلية والذى شارك بنفسه فى قمع تظاهرات يوم الغضب الاول وبداية ثورتنا فى 25 يناير، وقد شاهدته بعينى وهو يعطى الاوامر لهذا وذاك، لتترجم على ايديهم وبهرواتهم فوق رؤوسنا ضربا وسحلا واعتقالا، ولولا اننا حاصرناه - او كدنا- يومها مطالبين وهاتفين بالافراج الفورى عن خمسه شباب اعتقلوهم فى مدرعة للامن المركزى، ما كان ليتركهم.

هذا المجرم - احمد عبد الباسط - هو من اشرف من مبنى مديرية امن المنصوره على قتل المتظاهرين فى شوارع المدينة يوم الجمعة 28 يناير ويوم السبت التالى لها، وامام مديريته سقط احد شهدائنا برصاصات اخترقت ظهره اثناء وقوفه كلجان شعبية لحمايتها من المتظاهرين لتأتيه الخيانه من ظهره على شكل طلقات غادره لا نعلم مصدرها حتى الان ان كان من قناصة المديريه ام من كانوا من جنودها وضباطها على الارض خلفه.

احمد عبد الباسط مدير امن المنصوره السابق هو الان مدير امن الاسكندريه وجلاد ابناءها الجديد، اخوانى الاسكندرانيه، لقد ابدلكم نظامنا الحقير فاسدا بفاسد ومجرما بمجرم، لا تتركوه يظن انه قد نجا، اطردوه من عندكم، وطاردوه حتى المحاكمه او العزل .

اللهم بلغت ... اللهم فاشهد

التقرير الشامل لاحداث يوم الغضب بمدينة المنصورة -25 يناير 2011

2011-01-25T11:30:00.027+02:00

التقرير الشامل لاحداث يوم الغضب بمدينة المنصورة :-

التقرير مطول جدا - اقرأه على اجزاء اذا شئت

تنويه: هذا العمل جهد جماعى لمجموعه من اشرف وازكى شباب المنصوره الابطال .. اعضاء اللجنة الاعلاميه بحركة 6 ابريل وشباب الرصد الميدانى ومتطوعون مستقلون

12:00 ظهرا :- ترتيبات النظام :

تواجد امنى مكثف امام جميع المنشآت الحيويه بمدينة المنصورة كالتالى:

الاستاد:8 عربات امن مركزى و1 مدرعه و2 مطافى و2 اسعاف و1 بوكس

المحافظة ومكتبة مبارك:3 عربات امن مرزى و 1 مطافى و1 بوكس

جامع النصر:3 عربات امن مركزى و1 مدرعه و1 مطافى و1 بوكس

شارع جيهان:2 عربة امن مركزى و1 مطافى وعدد من البوكسات يجوب الشارع ذهابا وإيابا

شارع الجلاء وبوابة الجامعه المواجهه له:3 عربات امن مركزى امام مدرسة الزراعه و2 ربع نقل بيضاء محمله بالبطلجه - او امن فى زى مدنى ايهما اقرب وعدد من البوكسات يجوب الشارع باستمرار

الـــــــــــــــــــــــــــــــــــــــــــــــــــصــــــــــــــــــــور

لمعرفة تفاصيل الصوره قف عليها بالمؤشر للحظه

2:00 ظهرا :- ساعة الصفر بميدان مشعل :

فى وقت واحد تقريبا انساب النشطاء والمتظاهرون الى الميدان لتبدأ مسيرة الغضب بوتيره متصاعده دون حدوث اى اشتباكات مع الامن

المسيرة اتجهت كما يظهر فى الخريطه الى شارع بورسعيد ومنه الى الكورنيش لتحول مسارها باتجاه مبنى ديوان عام محافظة الدقهلية ومنه الى الطريق المؤدى لمبنى ادارة مباحث امن الدولة الرئيسى بمدينه المنصوره ولكن قبل الوصول اليه دخلنا من شارع جانبى لنصل الى شارع قناة السويس ومنه الى منطقه الدراسات كما يتبين من الخريطه.. قطعت المسيره تلك المسافه فى حوالى ساعه ونصف الساعه او يزيد قليلا.

الــــــــــــصــــــــــور

الــــــــفـــــــــديـــــــــو

3:30 عصرا :- محنة الحصار الامنى :

اثناء محاولة الثوار الخروج الى الشارع الرئيسى مرة اخرى عن طريق مخرج منطقة الدراسات باتجاه مسجد النصر، تم كردنة مداخل ومخارج المكان ما اضطر البعض للتراشق معهم بالحجاره وتم اعتقالهم الى جانب اخرين فى مدرعه كانت تقف خلف القوات.

صلى المتظاهرون العصر فى اماكنهم ثم دخل قادة التظاهر فى مفاوضات جدليه سخيفه مع الامن فى سبيل اخراج المحتجزين والسماع لنا بالمرور لان التظاهره سلميه ولا تؤذى احد وسط تعنت من الامن وتعالى من مدير امن محافظة المنصوره المتواجد فى موقع الحدث.

بعد ساعه او يزيد قامت سيده برش المياه من منزلها على قوات الامن المركزى مما تسبب فى ارباكهم ليقوم النشطاء بخلخلة صفوفهم والهروب من الشوارع الجانبيه دفعه وراء الاخرى ولم يتبقى فى الكردون الا مائتين متظاهر تقريبا تعرض معظمهم للضرب المبرح.

الــــــصـــــــور

الــــــفيديـــــو

4:30 عصرا :- هروب جزئى :

حاصر المتظاهرون قوات الامن على مدخل الشارع المؤدى للميدان لحوالى النصف ساعه وسط مفاوضات مع مدير الامن لاطلاق المعتقلين الخمسه من المدرعه، ليرضخ لتلك المطالب اخيرا ويقوم بنفسه باخراجهم من المدرعه وسط تهليل المتظاهرين جميعا.

وبدأ الجمع فى التحرك باتجاه مبنى ديوان عام محافظة الدقهلية مره اخرى .

الـــــصــــور

الــفــيــديــو

5:15 المغرب :- تقطع اوصال المسيره :

قام الامن بكردنه المتظاهرين على جزئين احدهما لجهة ميدان ام كلثوم والاخر امام مبنى ديوان عام المحافظه، وسط محاولات الجميع للتوحد والتعامل الوحشى للامن مع الجميع دون تفرقه بين رجل وامرأه، حتى ان احدى السيدات اغمى عليها ولم يسمحوا لنا بأخذها الى المستشفى واصيب مراسل جريدة الدستور، ولم نسطتع التوحد بعدها وظل الجزئين منفصلين منذ ذلك الحين.

5:45 المغرب :- اعتصام :

بلغنا ان الثوار بالقاهره احتلوا ميدان التحرير واعتصموا به لحين تنفيذ المطالب او هروب مبارك، اخبرنا المتظاهرين بذلك وطلبنا منهم الاعتصام، واستجابت الاكثريه الا القليل الذى انسحب من شارع المختلط الجانبى والذى لم يشدد الامن قبضته عليه للسماح بهذا الانسحاب، الا ان استمرار الاغلبية فى الاعتصام اثار حفيظتهم ليكون القرار النهائى هو بدىء استخدام القنابل المسيله للدموع.

7:00 عشاءا :- القنابل المسيله للدموع :

القنابل المسيله للدموع تملأ شارع المختلط بالضباب وسط صراخ الكثيرين، فى هذه الاثناء كنت اجلس فى قهوة به لرفع بعض الصور لافاجىء بالمتظاهرين يدخلونها وعيونهم حمراء كالدم مع صعوبة فى التنفس ، ساعدت فى اسعاف بعضهم بالماء الجارى، وقررت انا اخرج باتجاه الكورنيش لان القهوة كانت قد بدأ الدخان فى دخولها، لا استطيع ان اصف تلك اللحظات القليله التى فصلت بين القهوة والكورنيش سوى انها كانت جزء من الجحيم، آلام فظيعه فى عيناى ودموعى انا ومرافقى تتساقط دون ارداتنا مع صعوبة حاده فى التنفس وكأن الف الف سكين تقطع فى رئتاى.

7:15 مساءا :- وبدأت الثورة :

فلول الهاربين من النشطاء تحولت الى ثوار، الغضب يهدر فى نفوس الجميع، نتحرك باتجاه كوبرى طلخا للقطار، ونجد فى طريقنا مقر أمانة الحزب الوطنى بالمحافظه، تثور ثائرة الشباب، يقذفون صورة الطاغيه مبارك التى تزين الواجهة الاماميه للحزب بالحجاره حتى يأتون عليها، وقام البعض بقذف اللافته الرئيسة للحزب ايضا وبابه الرئيسى، لتلاحقنا عربة مدرعه وتقوم باطلاق قنبلة مسيلة للدموع مفرقة الحشد باتجاه عمر افندى، حيث يتزين الميدان هناك ايضا بصورة عملاقه للفرعون، لا يتركها الشباب الا مطفأة الانوار وسط ملاحقه مستمره من المدرعه واطلاق قنبلتين اخريين.

الـــــصـــور

الـــفــيــديـــو

8:00 مساءا :- الدخول الى قلب المنصوره :

قمنا بالدخول من الشوارع الجانبيه الى ميدان الشيخ حسنين ومنه الى شارع السكه الجديده والذى لا يستطيع الامن دخوله لضيقه وعدم تأمينه الجيد بالنسبة لهم، تتجمع فلول الثوار مره اخرى لتظهر فى شكل مئات ثم الاف عابرة الشارع التجارى هذا باتجاه شارع بورسعيد ومنه رجوعا الى ميدان مشعل مرورا بالجمعيه الشرعيه وسط هتافات حاده ومطالبه برحيل الطاغيه وسقوطه ومذكرة إياه ان الطائره فى انتظاره لشحنه الى السعوديه تأسيا بزين الهاربين طاغيه تونس الشقيقه.

الـــصـــور

الـــفيديو

9:00 مساءا :- وبدأ الغباء الامنى :

بمجرد ان وصل الثوار الى ميدان مشعل منبت المسيره وأصلها مره اخرى ، حتى قام الامن ممثلا فى 6 عربات امن مركزى و3 مدرعات وعدد من المطافىء وعربة ترحيلات بحصار المكان واطلاق القنابل المسيله للدموع مره اخرى لاقوم بالهروب الى شارع جانبى، وانا اهرول فوجئت بسيده تحمل رضيعها وتركض باكيه، علمت انه استنشق من الغاز اللعين ولا تعرف ما تفعل وسط اصوات اختناقه وعيناه المغرورقتان بالدموع، حاولنا اسعافه قدر استطاعتنا انا وزميلى ثم تركناها تأخد اتجاه عكس الميدان فى حين رجعنا نحن له، لاجد قوات الامن تقوم باعتقالات بالجمله وسط ضرب مبرح للمعتقلين على يد خمسه الى سبعه عساكر فى نفس الوقت، واظننى رأيت محمود نبيل زميلى واحد الرفقاء المستقلين حيث لا ينتمى لاى حركات سياسيه، رأيته يضرب على يد خمسه منهم حتى القوه فى عربة الترحيلات.

الـــــصــــور

الـــفيـــديـــو

10:00 مساءا :- انتهى اليوم بهزيمتهم وانتصارنا، وغدا نذيقككم بأسنا من جديد :

علمت وانا اقف فى الميدان، حيث قام احدا لصحفيين بحمايتى تحت ذريعه انى صحفى زميل من بطشهم، علمت انه كانت هناك مظاهره امام كلية التربية النوعيه الى الخلف من الميدان، وان هناك اعتقالات عشوائيه للنشطاء تجرى فى شارع الثلاجه المتفرع من الميدان، تم نصحى بالابتعاد بعد ان تحركت عربة الترحيلات بالمعتقلين من الميدان، والتى عرفت فيما بعد انها ذهبت بهم الى مقر قوات الامن المركزى بسندوب ، انصرفت ، وها انا اكتب لكم ما حدث.

1:00 ظهرا 26 يناير 2011 :-

سنكون فى المنصوره لو طلاب جامعه هنبدأ مسيره من اول كلية تجاره باتجاه بوابة الجلاء، ولو بره الجامعه هنكون كلنا زى ما عملنا النهارده فى وقت واحد وفجأة قدام بوابة الجلاء من كل حدب وصوب لنبدأ مسيرة الغضب من جديد، صانعين لامتنا تاريخا جديدا ومستقبلا منيرا، كل التحيه للابطال ، كل التحيه للثوار، معتقل منهم داخل سجون النظام او داخل سجنه الكبير، مبارك انتهى ياشباب مصر ، وما هى الى مسألة وقت فاصبروا وصابروا ورابطوا يا اخوانى ، فإن النصر قريب .. ان النصر قريب

قائمة الشرف:

الاصابات كانت كثيره وهذه عينه بسيطه جدا منها

المعتقلون من ابناء المنصوره:

احسان سلطان
احمد مسعد سالم
السيد عبد الخالق الجندى
على على الريان
محمد عبد السلام عوض
باسم علاء
سيد عبد الخالق الجندى
احمد طه
احمد عبده ابو العنين
قنديل احمد قنديل
محمد منصور الذكى

أحمد محمد أحمد الإمام

محمود محمد نبيل

محمد شبانة
احمد عبدو ابو العنين
احمد عبد الله البرقوقي
محمد عبد السلام يوسف
احمد حمدى ابراهيم
احسان سلطان
عبد الرحمن عياش
خالد جمال عبد الناصر

الامن يحبط الوقفه السلميه للحداد على سيد بلال بالمنصوره ويحاصر 20 ناشطا بمقر حزب التجمع

2011-01-13T17:12:00.005+02:00

تحديث: بعد مفاوضات مع امين تنظيم حزب التجمع بالمنصوره ابلغه فيها الامن ان النيه كانت مبيته لاعتقال كافة الشباب المحتجز داخل مقر الحزب ، سمحوا لنا بالانصراف على الا نقوم باى فعاليات اخرى اليوم .. والان كل الشباب تم التأكد من وصولهم الى بيوتهم سالمين

بسبب عزاء السيد بلال الذى دعت له القوى الوطنية بالمنصورة.. الامن يحاصر الكورنيش بالمنصورة وتأمينات رهيبة ويمنعوا كل المواطنين من النزول من السلالم الفاصلة بين الكورنيش من فوق ومن تحت ولايفرقوا بين شاب او فتاة اومسن..الكل ممنوع

وقد قام افراد من امن الدولة والامن العام فى ملابس مدنية بتحريك النشطاء قسرا لمقر حزب التجمع القريب من مكان الوقفه ويحاصرونهم من الخارج وقد قاموا منذ قليل بقطع الكهرباء عن المكان ولا يستطيع احد ان يخرج دون تخوف من الاعتقال

الوقفه التضامنيه امام كنيسه مارجرجس بالمنصوره ضد جريمة الارهاب بالاسكندريه

2011-01-02T20:58:00.016+02:00

تنويه: لسريعى الملل---- سيبك من التدوينه كلها وادخل على اول مقطع:اختصار

الــتــجــهــيــز:

امبارح بليل بعض شباب التغيير فى المنصوره قرروا يعملوا اى حاجه تظهر تضامنهم وتعاطفهم مع اخوة الوطن والدم .. اخواننا الاقباط، دورنا على اكبر كنيسه فى المنصوره لقيناها مارجرجس اللى فى شارع بورسعيد، الايفينت اتعمل على الفيس بوك الساعه 11 بليل، اللى اكدوا حضور لحد الصبح كانوا حوالى 150، حضر منهم 60-70، عدد بعتبره كويس جدا بالنسبه للسرعه وضيق الوقت اللى كنا فيه

الــتــمـــهــيـــد:

رحت لوحدى الصبح حوالى الساعه 10:30 على امل انى اقابل حد من الكنيسه وانسق معاه او اعرفه بحضورنا ، كنت عامل حسابى -زى ما نصحنى صديق مسيحى - انى اطلب من بواب الكنيسه يندهلى حد من المسؤلين جوه ، منعا للبس او سوء التفاهم، وصلت للمكان وانا شايل شنطتى اللى بحط فيها اللاب ومتعلاقاتى، الشنطه تقريبا فى حجم شنط الابتوبات او اكبر سنه وكان باين انها تقيله على دراعى، لقيت افراد امن امام الباب بس لقيته مفتوح -كانوا حوالى خمسه - لقيت نفسى بدخل من الباب لوحدى وموقفتش للسؤال، دخلت على جوه علطول ومفيش اى حد وقفنى ولا طلب منى تحقيق شخصيه لحد ما وصلت لفرنده واسعه لمحت فيها قسيس قاعد مع اخت مسيحيه، سلمت عليه ورد السلام ، ابلغته باسفى وعزائى ليه فى شهداء الاسكندريه وتضامنى معاهم كمصرى مسلم واعلمته ان فيه وقفه تضامنيه معاهم كمان شويه قدام الكنيسه، شكرنى بس نبهنى انه مش المسئول عن قرار زى ده وانى اكلم ابونا راعى الكنيسه فى مكتبه، ندهلى على احد الفراشين يوصلنى ليه، دخلت على الرجل واعدت نفس اللى حصل مع القس اللى كان فى الخارج، شكرنى وقالى طب اندهلى نقيب امن الدولة احمد الزهيرى من بره، طلعت على البوابه وسألت احد افراد الامن عليه رد بغباء _هات بطاقتك_ رديت عليه بغباء اكبر ، بقولك "ابونا" عايز النثيب احمد جوه ، وصلنى ليه والضابط اخدنى ودخلنا مع اتنين مخبرين للقس، شرحله اللى انا قلته وانهى كلامه ب" فبشوف رأيكم ايه فى انهم يتضامنوا معانا؟" ، الضابط كان ناقص يرمى عليا شرر من عنيه بسبب الغيظ.

تـــحـــقـــيـــق مــصــغــر:

اخدنى بره، مع عتاب بسيط انى مرحتلوش من الاول وكان هيسبنى اعمل اللى عايزه، طلعنا بره لقيت رتبه اكبر منه-بان من اسلوب تعامله معاه- واقف منتظرنا، اخدوا بطاقتى لتفريغ بياناتها ، فتشوا الشنطه بالكامل-بعد ايه ما لو كنت ارهابى كانت خلصت يا مهملين- ، فتح النت بوك بتاعى وقلب فى الداتا اللى عليه والصور، وفى الاخر قالى استنى على الرصيف المقابل للكنيسه لما تتجمعوا وبعدين روحوا هناك.

الــوقــفـــه:

الاعداد كانت ضعيفه فى الاول الا انها على 11:30 كان العدد بقى معقول جدا، رفعنا لافتات التضامن ، هتفنا وقولنا اننا اخوات ، فوجئت بوجود المنتقبه والملتحى والعجوز كمتضامنين مع اخواتهم، قس الكنيسه خرج لينا وسلم على المتضامنين وشكرهم على المشاعر دى ، والكبار عرضوا عليه فكره اننا نشاركهم الوجود فى الكنيسه اثناء صلاة العيد يوم الخميس، الرجل شكرهم واعتذر بان الجزء اللى هيتم تنفيذه من العيد هو الصلاة الخاصه بالمسحيين فقط فى ظل الغاء الاحتفالات.

الوقفه النصابه:

بعد انتهاء الوقفه رحنا مشوار انا واحسان سلطان زميلى فى حركة 6 ابريل وفى رجوعنا حوالى الساعه 2-3 الظهر لقينا "مينى وقفه" تضامنيه منظمها الحزب الوطنى ، بس مش قدام كنيسه ، قدام مقر الحزب ، البشوات وقفوا اتصورا بالبدل والبانرات حوالى 3 دقايق ، او اقل، وفى لمح البصر مجرد ما انتهى مندوبو الجرائد من التصوير ، رمى كل واحد البانر اللى فى ايده وخد بعضه ومشى ، اللى ركب عربيه واللى دخل المقر ، وسابو السعاه يلموها ، التفاصيل باينه جدا فى الفيديو المرفق من تصوير احسان سلطان

بـــــــــــــاخـــــــــــــــتـــــــــــــــــصـــــــــــــار:

1- الكنائس المصريه لم تؤمن كما يدعى النظام، والدليل دخولى بدون اى توقيف حتى داخل المبنى التعبدى دون ان اواجه باى استفسار عن بطاقتى ، والاسوء من ذلك انى كنت احمل شنطه ذراع لا يستبعد ان تكون محمله بالمتفجرات، كل ذلك فى وجود ضباط امن دولة على مدخل الكنيسه وليس حتى ظباط نظاميين فقط

2- التضامن كان حقيقيا ومن القلب وقد اثر فى جدا تواجد الافراد الاتيين:

* سيده عجوز مسلمه

** ام مصريه محجبه عاديه جدا

*** سيده منتقبه وللمفاجأة فقد كانت فى بعض الاوقات هى التى تهتف والجمع يردد ورائها

**** النائب السابق للاخوان المسلمين عن دائره منيه النصر ابراهيم ابو عوف والذى تم التزوير ضده لصالح مرشح الوطنى بفجاجه غير مسبوقه شهدتها بام عينى اثناء مراقبتى للانتخابات منذ شهر

***** طفله صغيره فى عمر الزهور كان صوتها يطغى فى بعض اللحظات على غيرها من الكبار اثناء الهتافات

-----------> كل تلك النماذج التى تقول انه لازال هناك امل فى ذلك البلد المنكوب موثقه سواء بالصور او الفيديو كما ترون.

3- امن الدولة لم يكن ليتعاون معى لولا الاشاره الخفيه التى استشعرتها فى كلام القس باستحسانه للفكره

4- الحزب الوطنى اهبل... بس خلاص

الـــــــــــــــــــــــــــــــــــــصــــــــــــــــــــــــــــــــــــــــور

قيادات المعارضه بالدقهليه تعزى القسيس

المنتقبه اثناء الهتاف ونحن نردد خلفها - يوجد فيديو ايضا بالاسفل

نائب الاخوان المسلمين بمجلس الشعب السابق عن دائرة منية النصر من ضمن المتضامنين

رفيقه دربى - شنطتى اللى دخلت بيها دون اى توقيف لحد القساوسه جوه الكنيسه

وقفة الحزب الوطنى بعدنا بساعتين امام مقر الحزب بالمنصوره

هنا بعد لحظات من القائهم البنر لان التصوير خلص والسعاه بيلموه

الــــــــــفـــــــــــيــــــــــــد يـــــــــــو

مصطفى عطيه .. شهيد الاسكندريه الجديد .. خالد سعيد آخر

2010-12-08T02:22:00.004+02:00

الخبر من جريدة البديل ومن وحدة الرصد الميدانى وبعض الجروبات على الفيس بوك

مصطفى عطيه أب ل : آسر 4 سنوات ...وحنين سنتين ...وسما سنة واحدة

مصطفى عطيه مكنش مجرم هارب ولا مسجل خطر ولا بالع لفافه ولا متهرب من الجيش ولا متحرش جنسى ولا قتال قتلة ولا ولا ولا

مصطفى عطيه كان متأخر ف سداد قرض من بنك ... وسدده

المخبرين بينفذوا القانون المتأخر دوما

المخبرين سحلوة

وضربوه

وقتلوه

والشعب كالعاااااااااااااااااااااااااااااااااااااده .......................بيتفرج

وبعد ما قتلوه لموا اللى شافوا الجريمه وعدولوا اقوالهم ...انه مات لوحده

جثة الشهيد محتجزه ف المشرحه لسه

خالد سعيد جديد

احمد شعبان جديد

ومحمد صلاح جديد

وغيره وغيره وغيره

هتفوقوا امتى يا شعب مصر

النظام بيقولنا انه ولا بيهمه ولا فارقين معاه بنكله

جلادينه مستمرين وقوادينه مستترين وكلابه مطلوقه على كل واحد ماشى فى الشارع

اقتباس من الفيس بوك

"وفي عصر اليوم سائق ويدعي مصطفي عطية 40 سنة اثناء محاولة مباحث تنفيذ الاحكام بقسم... ميناء البصل القبض عليه لتنفيذ حكم قضائي صادر ضده بعدم سداده احد القروض التي حصل عليها وقبل وصول اشعار لمباحث التنفيذ بالقسم بسداده تلك المبالغ في وقت لاحق ....

تعود الواقعه اثناء قيامه المتوفي ببيع احد الوحدات السكنية بمنطقة ميناء البصل وفي تلك الاثناء راه احد افراد الشرطة السرية بمباحث تنفيذ الاحكام وحاول القبض عليه لكنه حاول الفرار الا ان افراد الشرطه السرية استطاعت القبض عليه وقامت بسحله في محاولة منهم للسيطرة عليه وتسليمة للقسم دون سماع اقواله في انه قام بالسدادحتي شهق من اثر الانفعال وفارق الحياه في الحال وتم نقله لمستشفي الزهراء والتي افادت بانه فارق الحياة نتيجة ازمة قلبية ونقلته الي مشرحة كوم الدكة .

وقام اهل المتوفي بتحرير محضر رقم 88/21 لسنة 2010 بنيابة ميناء البصل متهمين افراد الشرطة السرية في قتله وعدم مراعات كبر سنة والتاكد من صحة اتهامه وقد اعلنت جمعية انصار حقوق الانسان علي لسان عبد العزيز الشناوي عضو الجمعية تضامنها مع المجني عليه"

مصطفى راح لانه مصرى

ولانه عايش فيها

هتتحركوا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

إعمل إزعاج. يوم جمعة الغضب. من أجل ضحايا التعذيب في مصر

2010-11-18T14:06:00.003+02:00

الايفينت على الفيس بوك

المصور الشاب محمد حسن..فى ذمه الله

2010-11-17T16:15:00.007+02:00

تنعى حركة شباب 6 ابريل وحملة دعم البرادعى الفقيد المصور بجريدة الشروق الاستاذ محمد حسن والذى وافته المنية إثر حادث أليم منذ 3 أيام.

كان الفقيد مصورا لجريدة الشروق فى تسجيل اول جولة ميدانية لناشطي حملة جمع التوقيعات للبرادعي فى 20 ابريل 2010 ليحتل ذلك التقرير -تحقيق احمد عطيه- صفحة كاملة بالعدد الورقى للجريده، فى وقت كان يعتبر نزول الشارع فيه عملا مجنونا وغير مأمون العواقب من قبل النظام المصرى.

واذ ننعى الفقيد لشجاعته واقدامه، فإننا نثمن قرار معهد الصورة العالمى باطلاق منحة دراسية للعاملين فى حقل التصوير الصحفى باسمه تقديرا له كأحد أنبغ المصورين المشاركين فى ورشة العمل التى نظمها المعهد فى مدينة اسطنبول التركية.

روابط ذات علاقه:

نعى الفقيد بموقع جريده الشروق

التحقيق الصحفى المشار اليه

مقال عن الجولة الميدانيه فى مدونة احد المرافقين له

موقعه الشخصى

تعبيريه حتى النصر

2010-10-13T21:14:00.006+02:00

استمرار لمسلسل الصور التعبيريه ...وحتى لا تشعر جريدة الاهرام عميدة الصحف القوميه بالوحده ووحشة عدم وجود الانيس، انضمت لها اليوم جريدة الشروق، وهى من الجرائد المستقله فى مصر

حيث خرجت علينا اليوم بتقرير عن مناورات اكتوبر 2010 ، لم يكتفى باللغه السقيمه التى صيغ بها التقرير ولكن زاد عليها بعدد من الصور المتعوب عليها بصديق الطلبه فوتوشوب افندى

هذه المره لم تكن يده مغلوله وزاد فى عدد الصور التعبيريه عن واحده كما كان الحال فى فضيحه جريدة الاهرام مع صورة الرئيس، سنقوم معا فى الفقرات التاليه بتعديد واظهار تلك الصور، انا فرح جدا ...مصر اصبحت دولة تعبيريه ..ومن بعد مؤسسة الرئاسة انضمت مؤسسة الجيش الى المدرسه التعبيريه بجلالة قدرها

اول الصور "المعبره" كانت رقم 2 فى الصور المرفقه بالتقرير، وتظهر طائرات مروحيه ومصفحه وعدد من الجنود ولكن فى الزاويه اليمنى العلويه من الصوره يوجد انفجاران ولكن المدقق يجد انهم انفجار واحد وتم تكبيره -او تصغيره- وتكراره الى جواره بشكل ساذج لم يراعى حتى امكانيات الفوتشوب الجباره والقادره على جعل المشهد اكثر اقناعا ومقاربه للواقع

ثانى الصور التعبيريه -رقم 3 فى الصور المرفقه- كانت من الابداع بمكان حقيقة، فأن تغير تفصيله فى صورة واحده هو امر مقبول على المستوى التعبيرى الاول، لكن ان تدمج صورتين فى منظر واحد مع فبركة -عذرا- غلطه لسان، اقصد مع "بعبرة" تفصيله اخرى فى المشهد فلا تعليق لدى غير .. ياقلبك الجاحد يا صميده، الصورة تظهر على جانبها الايسر النصف الايسر من الصورة التعبيريه الاولى ولكن النص الايمن تم استبداله بنصف ايمن من صورة اخرى بها مروحيتان ولكن الحد الفاصل بين الصورتين لم يكن من التماهى بحيث يغطى على الفبركه المفعوله، ثم ان اللى هيفبرك بصورة يخبيها مش يكون عارضها قبلها بنص صوره، عذرا ان الكلام مكلكع شوية عن الصوره دى، بس دا علم ياجماعه علم ، انا لسه مخلصتش رايح فين؟؟ شايف بقا الركن العلوى يمين من الصوره؟ وعندك اتنين انفجار كوبى بيست جمب بعض وصلحه

ثالث الصور التعبيريه فشيخه الاداء عاليه جوده الامكانيات-رقم 7 فى الصور المرفقه بالتقرير- ، بجد الناس دى بتبهرنى، المنظر المره دى فى منتهى الجديه ومنتهى اللذه، دبابه على تبه رمليه، متكرره بنفس التبه على نسخه اكبر مع وضع دخان انفجارين بشكل واضح جدا انهم مقحمين على الصوره، ومننساش القاعده الذهبيه، نفس الانفجار هو هو مع تكبيره/تصغيره ووضعه الى جوار اخوه العزيز

ملاحظه اخيره : الصوره الاولى خالص فى التقرير انا شاكك انها تعبيريه بس تقريبا الاخ صميده كان مركز نص نص وهو بيعملها فمش قادر اجزم بهذا الاحتمال

السؤال اللى بيطرح نفسه او السؤالين بمعنى اصح اللى اتمنى تجاوبونى عليهم فى تعليقكم على التعبير المعبر المستعبر دا:

واحد- خلينا احنا شعب شاذج شاذج وهنغنى بكل فرحه طاغيه يا محلى رجعة ظباطنا من خط النار، منظرنا ايه قدام جيوش العالم الحر وجيشنا صور مناورته بتتفبرك عشان تبان اقوى او اكثر سخونه؟؟ يا كسوفى قدام الاخوه فى اسرائيل

اتنين - مين اللى فبرك؟؟ ها؟؟ ها؟؟ يعنى على بلاطه وربنا يستر ومروحش فى شربة كوارع بسبب التدوينه دى، اللى فبرك الصور دى المحرر بتاع الشروق ولا جياله متفبركه جاهزه من قيادة الجيش وما على الرسول الا البلاغ؟؟

الناس حذرتنى من طرح التساؤل ده ..بس انا لا اقصد سوى تحرى الحقيقه عشان محدش يقول بنتجنى على الصحافه .

كلمة لابد منها عشان ...احم ...التصوير وكده ...جيشنا مش محتاج الصور التعبيريه دى خالص وهو فى غنى عن اى تهويل او تهوين من شكل او حجم مناوراته .

اخر كلمه ..........................

هتوحشونى :$

الشيخ محمد عزت خضر من كفر البطيخ وضباط امن الدولة انصاف الآلهة

2010-09-28T23:57:00.003+03:00

نقلا عن مدونة جبهة التهييس الشعبيه : نواره نجم :-----

كنت نازلة الشغل في امان الله جالي تليفون نقل نص التطورات اللي حصلت في قضية الشيخ محمد عزت محمد خضر وهو الشيخ اللي من كفر البطيخ ومحتجز بلا سبب ولا تهمة وقدم تظلمين وافرج عنه واعيد اعتقاله في المرتين

زي ما نقلت لكم شكوى الزوجة

حانقل لكم نص اللي حصل مع الشيخ محمد عزت محمد خضر

اللي حصل انه قدم تظلم تاني وافرج عنه تاني وتم نقله من امن الدولة بالقاهرة لامن الدولة بدمياط

زي ما هو موجود في اللنك الراجل ده عنده سبع امراض، وهو محجوز في امن دولة دمياط المفروض انه كان بيستعد لانهاء الاجراءات عشان يخرج، جاله نزيف، فقال للسجان انا عايز اروح المستشفى لاني معايا الادوية بتاعتي بس جالي نزيف وحاسس اني محتاج اسعاف

فالسجان قال له الظابط بيقول اوامر من فوق انك ما تروحش المستشفى، قال له طب خليني اقابل الظابط ده

غموا له عينيه وبعدين دخلوا بيه على مكتب طبعا هو مش عارفه بس عرف من الصوت انهم اتنين، غالبا اتنين ظباط

واحد منهم قال له: يا شيخ محمد انت راجل محترم، ومثقف، ومستواك الفكري مرتفع، وكنت مؤدب، ايه اللي خلاك تتجاوز وتروح للصحافة والنت والجزيرة؟ انت مش عارف ان كل ده ولا يفرق معانا في حاجة؟ احنا اللي حاكمين البلد، واي حاجة ضد النظام مش حتمشي يا شيخ محمد احنا عايزينك تعقل

- اعقل ازاي يا باشا؟ اللي اقدر عليه عملته، صحيح مش حاطلع بمقال ولا ببرنامج، بس الرسول امرنا بالاخذ بالاسباب ودي الاسباب اللي في مقدرتي اني اعملها

الظابط 2: انت عايز تطلع يا شيخ محمد؟

الشيخ محمد: طبعا يا باشا

الظابط2: وعايز ترجع تخطب تاني الجمعة؟

الشيخ محمد: ياريت

الظابط 1: بس الناس بتحبك يا شيخ محمد

الشيخ محمد: الحمد لله

الظابط 1: الحمد لله ازاي يا شيخ محمد انت كده عملت لنا مشكلة.. ما تبقاش تصلي الجمعة في جامع كبير يا شيخ محمد، ابقى صلي في جامع صغير، وبعدين احنا مش كنا منعناك من الخطبة؟ تقوم تقرا آيات تخلي الناس تعيط؟

(الشيخ محمد صوته حلو)

وتطول في القراءة؟ يعني انت بتتحايل علينا؟ انت مش عارف احنا مين؟

الشيخ محمد: طب ايه رأيك يا باشا ما اصليش الجمعة خالص

الظابط1: لا انا ما اقدرش اتحمل الوزر ده.. احنا بس عندنا مشكلة انك عامل لنا بلبلة

الشيخ محمد: انا عامل بلبلة؟ يا باشا انا باخطب في الدين، ومش بادخل في السياسة، وبأمر الناس بصالح الاعمال، والحمد لله عملنا جمعيات خيرية، وأصلحنا بين عائلات كان بقالها سنين مش بتكلم بعضها

الظابط 1: عليك نوووور، مش عايزينك تصلح بين الناس تاني

الشيخ محمد: حضرتك مش عايزني اصلح بين الناس تاني

الظابط1: خالص يا شيخ محمد، ما تدخلش في المصالحات نهائي والا حتئذي نفسك

الظابط 2: قلت لي بقى انك عايز ترجع تخطب تاني

الشيخ محمد: يا ريت

الظابط 2: ماشي، ايه رأيك احنا حنخرجك ونرجعك تخطب الجمعة تاني، بس فيه تلات شروط: اولا: تهدا على نفسك شوية، مافيش احسن من الهدوء، يعني بلاش الحماس اللي في صوتك ده وانت بتتكلم، ثانيا: في مواضيع خط احمر ما تتفتحش، احنا اللي حنقولك تخطب في ايه كل مرة وموضوع الخطبة وتقول فيها ايه، ثالثا: تخلص الخطبة وتروح بيتك على طول ما تقعدش في الجامع

الشيخ محمد: طب ماهو حضرتك انا عندي اقتراح احسن، ما اخطبش خالص، اقعد في البيت، اكمل الماجيستير والدكتوراه بتاعتي دي قدامها ولا عشر سنين

الظابط2: ما الناس حتجيلك البيت

الشيخ محمد: طب انا ممكن انزل دمياط البلد، حاسيب امي العيانة واسيب حياتي واخد ولادي ونسيب كفر البطيخ خالص

الظابط1: ماشي

الظابط 2: ماشي ايه؟ لا لا لا لا.. احنا عارفين نلمك في كفر البطيخ لما تروح تعمل لنا مشكلة في دمياط البلد؟

الظابط1: ماهو انت مش حتعمل حاجة في دمياط البلد يا شيخ محمد مش كده؟

الشيخ محمد: ايوة يا باشا

الظابط2: لا برضه

الشيخ محمد: يعني لا ولا اه؟

الظابط1: بص يا شيخ محمد، سيبنا نفكر، وحنعرض الامر على عقلنا وقلبنا ونقول لك

(ملحوظة: الحوار منقول بالنص، وقالوا له عقلنا وقلبنا)

كل ده وهم مغميين عينيه وبشربوه نعناع والراجل عنده نزيف اساسا

الشيخ محمد: طب انا عايز اروح المستشفى دلوقت انا عندي نزيف

احد الظباط: طب ثانية واحدة

جه حد اخده وهو مغمي كده ودخله مكتب تاني، لما دخل المكتب التاني، قيل له انه في مكتب رئيس الامن في دمياط، والله اعلم لانه اساسا ما كانش شايف حاجة

ودار الحوار الاتي:

الظابط: بقى بتشتكينا يا شيخ محمد

الشيخ محمد: انا باعمل اللي في ايدي عشان اخرج

الظابط: انا حاجيب لك من الاخر عشان ما عنديش وقت لك.. مافيش اي حاجة ضد النظام ده حتمشي في البلد، احنا اللي حاكمين البلد دي فاهمني

الشيخ محمد: يا باشا انا عملت ايه ضد النظام؟

الظابط: انت كويس يا شيخ محمد، والناس بتحبك، واحنا حنرجعك تخطب وتطلع شرايط وتعمل كل اللي انت عايزه

الشيخ محمد: يا باشا انا مستعد اسيب البلد، لا عايز اخطب ولا عايز اعمل حاجة

الظابط: لا حترجع وحتخطب وحتعمل كل حاجة، بس تنسق معانا

الشيخ محمد: ازاي يا باشا؟

الضابط: يعني الناس بتحبك، اولا احنا بس عايزينك تبعد عن العمل الخيري شوية، وتروح المسجد، انت الناس بتحبك وبتتلم حواليك، حتلاقي عيل جاي بيقول لك نفسي اجاهد، عيل بيكلمك عن ظلم الحاكم، بيسألك اسئلة سياسية.. مش حتعمل حاجة، بس تقول لنا اسمه، وما تخافش مش حيتئذي

الشيخ محمد: رب السجن أحب إلي مما يدعونني إليه.. يا باشا انت عايزني ابلغ في الناس عشان تعملوا فيهم اللي عملتوه فيا؟

الضابط: باقولك مش حيتئذي

الشيح محمد: لو كنتوا قلتوا لي الكلام ده قبل ما ادخل السجن كنت صدقت ويمكن كنت قبلت، بس بعد الجحيم اللي شفته هنا يا باشا اعمل في الناس اللي اتعمل فيا؟ انا باكلمك وانا بانزف يا باشا

راح الظابط شاتمه شتيمة قذرة اللي نقل لي ما رضيش يقول لي هي ايه، ورجعوه للزنزانة

وبعدين رجعوه من امن دمياط لامن الدولة في القاهرة

وانا باعيط دلوقت

ملحوظة: النص من مصدر شديد الثقة

وحسبي الله ونعم الوكيل

انا مش طالبة منكم حاجة.. مش طالبة منكم غير ان البوست ده يتوزع على اوسع نطاق، وربنا شاهد علي اني نقلت كل اللي جالي بامانة
تحديث:
عشان انا مشهدة عليا ربنا بس فيه جملة نسيتها في الحوار
لما الظابط الاخير عرض عليه انه يبلغ اسامي العيال اللي بتتكلم في السياسة وقال له مش حاعمل الناس اللي اتعمل فيا قال له حاجة كمان وغالبا هي دي اللي خلت الظابط يشتمه قال له:
انا واحد اكاديمي، نابغ في دراستي وباعمل ماجيستير، عايزني اشتغل عندك مرشد؟ ده ما يليقش بيا
ويمكن عشان كده الظابط شتمه لانه افتكره بيتنطط عليه

افرجوا عن طل

2010-09-12T23:06:00.029+03:00

ملاحظه: الصوره اللى فوق دى طلعت مش بتاعت طل ...دى آيات ...بنت اخرى حابسها النظام السورى ...نظام بيتشطر على الحريم ويدعى البطولة والممانعه ...فضلت انى اسيبها شاهد على عار بشار الاسد ... صورة طل اهه:

طل الملوحي لم تعقد الصفقات مع الصهاينه

لم تعرقل جهود سلالة الاسد لتحرير الجولان

قالت كلمة حق ارادت بها حق

فكان جزاوءها الاختفاء القسري

في سجون رئيس بالصدفة و الوراثة

تعاطف مع طل :

قالت المنظمـة العربيـة لحقـوق الإنسـان في سوريا أن جهاز أمن الدولة استدعى بتاريخ 27/12/2009 الآنسة طل بنت دوسر الملوحي لسؤالها عن مقال كانت كتبته ووزعته على الإنترنت ، وأضافت المنظمة في بيان ورد الى المرصد السوري "بعد أيام من استدعائها حضر إلى منزلها عدد من عناصر الجهاز المذكور وأخذوا جهاز الحاسوب الخاص بها وكل ما يتعلق بذلك ، ومنذ ذلك التاريخ وبعد مرور أكثر من شهرين لم تعد إلى بيتها وذويها ، على الرغم من مراجعة أهلها للجهاز المذكور عدة مرات دون جدوى" .

جدير بالذكر ان المدونة الشابه طل الملوحى من مواليد مدينة حمص عام 1991 أي لم تبلغ العشرين من عمرها وهي تحضر لتقديم فحوص الشهادة الثانوية وتعتبر من المتميزات في دراستها ومعلوماتها وشدة ذكائها وقد بدأت بكتابة الشعر والمقالات منذ عدة سنوات وجميع من اطلع على كتاباتها كان يتوقع بأنها تتعدى الأربعين عاما للأفكار والآراء التي كانت تطرحها وحكمة مناقشتها للكثير من الأمور العامة والجرأة التي تتحلى بها .

ورأت المنظمــة العربية لحقوق الانسان ضرورة الإفراج الفوري عن طل الملوحي وعودتها إلى منزلها وأهلها للاستمرار في استعدادها لتقديم فحوص الثانوية التي أضحت قريبة ( إن كانت بعد هذا الاعتقال لا تزال تتمتع بنفسية وصحة تؤهلها لذلك ) واعتبرت هذا الاعتقال غير مبرر لأي سبب كان .

المصدر : المرصد السورى

الموقع الرئيسى لحملة الافراج عن طل

وقع للافراج عن طل ملوحي

ارسل رسالة لاسماء الاسد للافراج عن طل ملوحي

مجموعة طل ملوحي على الفيس بوك

المدونات المشاركه فى حملة افرجوا عن طل :

مدونة مناكيش

مدونة النمر الاسود

مدونة طراطيش كلام

مدونة جبهة التهييس الشعبيه

مدونة قصص من حياتى

مدونة حكايات مصريه

مدونة العميد ميت

مدونة دهوم

مدونة رسايل البحر

مدونة ريم

مدونة ملقتلهاش عنوان

مدونة من النهارده مفيش حكومه

مدونة المحله - مصر

khaled fahmy blog

sarya's wire blog

Egyptian Chronicles blog

kharabeesh blog

Mezology's blog

مدونة مهند عبد الله

افطار البرادعى لسنة اولى تغيير وسحور 6 ابريل

2010-09-08T23:46:00.016+02:00

دى تدوينة انطباعات اكتر منها احداث

*محطة النزول: السيدة زينب...

-لافتات تأييد فتحى سرور مرشحا "بالتزكيه" فى كل مكان .
-بنرات التأييد الفج لمبارك وابنه من منافقين شعبنا الكريم قابلتنى بس بعدد اقل ،صورت واحده منهم وتبادلت انا وصاحبها ابتسامات صفراء، وبصراحه انا صورت ومشيت علطول احسن اضرب ولا حاجه.
-ربنا مخلاش فى نفسى حاجه وشوفت ملصقات التأييد لجمال مبارك رأى العين منوره السيده زينب، بس مصورتهاش لان مستوى القرف كان زاد عندى اوى.

**محطة الوصول: افطار البرادعى بمطعم ابو رامى...

- غمز ولمز بينى وبين الشباب عن اسم المكان، لان على الرغم من مواجهته للمستشفى البديع 57357 للاطفال الا ان ايحاءات الاسم "الشعبيه" كادت ان تحبط البعض فى مدى لطافة المكان، بس طلع على المستوى المرجو لما دخلناه :).

- لجنة نظام والدخول بالاسماء وبيديك كارت دعوه شخصى باسمك ، بتاعى ضاع للاسف، بصراحه كنت هبروزه ،مش لانه افطار مع البرادعى ودعاة وشباب التغيير وبس ، لكن لانه احتفالا بمرور عام على بداية الدعوه للتغيير فى مصر.

- اجمل شىء فى الافطار كان مقابلة شباب التغيير اللى معظمهم معرفوش الا اون لاين على الفيسبوك ، كان شعور جميل جدا انك تقابل ناس شاركتهم فى صنع حدث زى دا لاول مره وجها لوجه.

لاحظ حجم النوت اللى بتكلم منها :P
- المنظمين خصصوا وقت -كان قصير جدا- لتلات محافظات يتكلموا عن تجربتهم مع التوقيعات والفعاليات اللى اتعملت عندهم وبايديهم ، اسكندريه ومحافظه كمان -مش فاكرها- ومحافظة الدقهليه، للاسف ممثل الاسكندرية كان محضر ثلاث ورقات من القطع الكبير والقاهم كاملين، واللى بعده ورقتين ، ومتبقاش لى كممثل عن محافظة الدقهليه غير 45 ثانية بس الحمد لله قدرت اوصل اهم تلات حجات عندنا:
1- أول استقبال جماهيرى حقيقى وملموس فى الشارع للبرادعى كان عندنا فى المنصوره.
2- اعتمادنا على اللامركزيه فى العمل فى الدقهليه جعلنا فى وقت من الاوقات انشط المحافظات فى الشغل على التغيير وكان لينا فى كل مركز او اتنين مجموعه عمل شغاله بشكل لا مركزى،فيه بعض القصور فى الاداء بنحاول نعدله فى الايام الجايه.
3- تذكير البرادعى والحاضرين ان اول نزول حقيقى فى الشارع فى مصر كلها كان لجزيره ابن سلام فى المنزله ، المختلف فى التجربه دى ان الناس اللى نزلنا نجمع منهم توقيعات بيتهموا دايما بعدم الوعى والبحث عن المصلحه الشخصيه وقريبه المدى زمنيا فقط -ولو كانوا كذلك لم اكن لأعيب عليهم نظرا لاوضاعهم المترديه- الا اننا وجدنا مستوى عالى من الوعى بهموم البلد ومدى احتياجنا للتغيير ، اوعوا تخرجوهم من حسابات التغيير.

***كلمة البرادعى :
أهم ما فيها ، الخلاصه لو نقدر نقول كده

1-فليخرج النظام خروجا امنا او اى خروجا يريده.
2-النظام سيتغير فى شهور او سنه كحد اقصى.
3-حصار اعلامى ومضايقات مستمره من النظام له.
4-التصريح النارى: فخور ان اجتماعنا مخالف لقانون الطوارىء.
5-مطالبته لكافة القوى السياسية بمقاطعه كاملة لانتخابات مجلس الشعب.
6- نزول الشارع والعصيان المدنى اذا لم يستجب النظام لدعاوى التغيير سيكون مرة واحده وسيكون النزول الاول والاخير.
7- الدعوة لاستمرار جمع التوقيعات وتوعيه المواطنين بحتمية التغيير واهدافه.

****سحور 6 ابريل :

- مسيرة واغانى وطنية ولمة جميلة من الشباب أمام مسجد الحسين.
-الامن كان تعامله راقى جدا على غير العاده: مخبرين وعساكر فى ملابس مدنية كردنونا بهدوء وشياكه ومنعوا الناس من الاختلاط بينا او التجمع حوالينا.
- سحور شعبى بسيط من الفول والطعميه وبعده حبسنا بالشاى والساقع على قهوة فى اخر الشارع اللى على شمال الحسين.

*****ممدوح حمزه :

احمد ماهر فاجئنا ان الاستشارى الدكتور ممدوح حمزه ، المهندس الغنى عن التعريف جاى يقعد معانا شويه، كان حوارنا معاه ممتع ومثمر جدا ويكفى ان الرجل افتنع بعد نقاش مع الشباب ان طريق التغيير فى مصر عن طريق اللاعنف هو الاصح بعيد عن الثوره الحمراء والفوضى الخلاقه.

سيت عرض شرائح لصور اليوم على فليكر

* نقطه اخيره مش مرتبطه باى حاجه من اللى فاتوا:
البرادعى كرم كتير من اللى حضروا الافطار
بس فيه من اللى مقدروش يحضروا يستحقوا مننا كلنا كل احترام وتقدير وتكريم
بخص منهم هنا كل شباب الحمله فى الدقهليه
واكتر حد بجد منهم لازم نشكره هن بنات ونساء التغيير
دكتوره نهى ... اختنا الكبيره
منى وميس ورشا ... من اجدع وانشط الناس اللى قابلتهم بجد فى حملة التغيير
وبقول ليكم انتم الاربعه بجد بجد لولا ظروف السفر اللى لم تتناسب معاكم كنتم تبقوا احق مننا بالحضور والتكريم
شكرا ليكم جدا :)

بس خلاص
روحت بلدى
ووصلت لسريرى الحبيب على 7 صباحا.
كل سنة وانتم طيبين
وعيد سعيد عليكم
:)

-------> دا تفريغ لتويتاتى اثناء اليوم دا من اوله لاخره من حسابى على تويتر:

طبعا مارست رقابة ذاتيه على بعض التويتات اللى كتبتها فى لحظات كنت مستفز فيها او مش فاهم ...تحياتى :P

سلامو عليكم ------ وصلنا الافطار والحياه زى الفل ---- بس موبايلى مش لاقط شبكه ومش عارف ارفع الصور --- بس الروح حلوة جدا :)
أول صوره من افطار البرادعى http://twitpic.com/2lv0xn
صوره.شباب ٦ ابريل ف افطار البرادعي#‏‎#egypt ‎ http://twitpic.com/2lv3kh
صوره.. وصول البرادعي ;) http://twitpic.com/2lv56i
قدامي طرابيزة المراسلين الاجانب ؟ يالعبك يابرادعي
هفطر بقا :)
انا اللي هقول كلمة الدقهليه.. صباح التوتر
البرادعي اثناء الامسيه http://twitpic.com/2lvsf2
البرادعي اثناء القاء كلمته ف الاحتفاليه http://twitpic.com/2lvx00
يخرب بيت الهرجله.. كلمتي اتهرست ف ٤٥ ثانيه :-(
اوبا..البرادعي بيقول فليخرج النظام خروجا امنا او اي خروجا يريده ‏:-P
حكاوي عن التفرقه العنصريه ف جنوب افريقيا :-|
البرادعي: النظام سيتغير ف شهور او سنه كحد اقصي
البرادعي: حصار اعلامي ومضايقات مستمره لنا
الناس بتهتف وتصفق للبرادعي حين قال: فخور ان اجتماعنا مخالف لقانون الطوارئ ;)
فاصل من الحكاوي ;-)
انتهت كلمه البرادعي
هيكرموا المتطوعين
اتكرم احمد ماهر وتامر ع الوهاب و رانيابدران وطه ع التواب وهشام الهواري
ومحمد الطيب وساره كمال ومها الجمل ومروه علام ومحمد الشناوي واحمد حسن وسعد بحار
واسامه البورسعيدي وع الفتاح والزفتاوي ومحمد شلبي ومؤمن دهب وايمان كساب وجو البرت
ونائل حسن وابو العز و محمود عادل الحته
واخرون.. والامسيه خلصت :)
بروباجندا فاكس.. عمال المطعم هيوقعوا ع بيان التغيير :-/
رايح سحور ٦ ابريل.. يوم جامدز ‏;-D
‏ ‏‎@Bad_Way ‎‏ جمب بدوي ع رصيف الحسين :)
شباب 6 ابريل بيغنوا قدام الحسين اغاني وطنيه
صوره. ازاجيل شباب 6 ابريل ف الحسين http://twitpic.com/2lxp4p
الامن مرشق وبيمشي الناس و٣ عربات امن مركزي ومطافي
انا جاي اتسحر مش اضرب ولا اعتقل ياجزم ‏:-P
ههه امن ف لبس مدني مطوقنا بشياكه من غير تحرشات.بس مانع اقتراب المواطنين
وقفونا ف صف واحد عشان نطلع م الكردون ‏:-P
اخيرا بنتسحر ‏;-D
اليوم دا هفتكره كتير من جماله والروح الحلوه اللي فيه :->
صوره.. سحور 6 ابريل :) http://twitpic.com/2lybrt
الدكتور ممدوح حمزه الاستشاري الهندسي معانا ‏:-D
صوره.. الدكتور ممدوح حمزه ف سحور 6 ابريل ‏ http://twitpic.com/2lyxvb
الدكتور ممدوح حمزه بيشيش .. صباح المزاااج ‏ http://twitpic.com/2lyzcb
القعده جامده جدا مع د.ممدوح حمزه والراجل ابن نكته ‏:-D
هههه .. واحد من الامن بيشارك ف الحوار وممدوح حمزه بيهيس قصاده ‏:-P
ممدوح حمزه: شباب التغيير أمل مصر الاخير لكن ينقصهم الالتحام مع العمال والفلاحين
ردا علي مفيش فلاحين ف مصر لسه..ممدوح حمزه: امال امي اللي بتزرعهم ‏:-P
نقاش جاد جدا عن مشاكل مصر مع د.ممدوح حمزه
الشباب الجامدين اقنعوا ممدوح باللاعنف بعد ما كان عايزهاثوره حمراء ;)
بطاريه الموبايل خلصت..كان يوم جامد .. تصبحوا علي خير :)

إحالة العمال للمحاكم العسكرية موت وخراب ديار

2010-08-29T03:50:00.017+02:00

لا تكتفي الدولة بتشريد وإذلال وقتل العمال بدم بارد نتيجة سياساتها المعادية لهم، بل تسعى أيضا لإسكات أصواتهم باستخدام أكثر الأساليب قهرا بتقديمهم للمحاكمة العسكرية التي لا يتوافر بها أي ضمانات أو حقوق دفاع.

يحاكم الآن ثمانية عمال من مصنع 99 الحربي (شركة حلوان للصناعات الهندسية) أمام المحكمة العسكرية بتهم إفشاء أسرار عسكرية والامتناع عن العمل والاعتداء بالضرب على اللواء محمد أمين رئيس مجلس إدارة الشركة،

كان العمال الثمانية قد تم القبض عليهم مع 17 آخرين من زملائهم عقب اعتصام عمال المصنع يوم 3 أغسطس الجارى احتجاجا على انفجار أنبوبة نيتروجين ( غلاية ) داخل المصنع مما أدى إلى وفاة العامل أحمد عبد الهادي(37 عاما) وإصابة ستة عمال آخرين بجروح.

وعلى أثر تلك الاحتجاجات سعت أجهزةالدولة إلى ترهيب العمال وتأديبهم لتجرأهم على الاحتجاج فاتخذت ضد 25 عامل إجراءات تحقيق تلاها إحالة 8 من عمال المصنع إلى النيابة العسكرية تمهيدا لتقديمهم لمحاكمة عسكرية رغم أنهم عمال مدنين ورغم أن الأمر يتعلق بنزاع عمل تحكمه القوانين العادية.

وقامت النيابة العسكرية يوم السبت الموافق 14 أغسطس بحبسهم أربعة أيام على ذمة التحقيقات ثم تجديد حبسهم مرة أخرى يوم الثلاثاء الماضى، ثم تحويلهم للمحكمةالعسكرية التى بدأت أولى جلساتها الأحد 22 أغسطس ليتم تأجيل المحاكمة إلى الأربعاءالمقبل، كما رفضت النيابة العسكرية إعطاء المحامين صورةملف القضية للإطلاع عليه، وتحددت جلسة مفاجئه سريعة للمحاكمة.

وبالرغم من ادعاء وزيرة القوى العاملة عائشة عبد الهادي دائما في جميع المحافل بأنها تقف بجانب حقوق العمال، إلاأنها لم تحرك ساكنا إذاء ما يحدث للعمال، هذا بالإضافة للصمت المعهود من اتحاد عمال مصر و تقاعصه عن الدفاع عن حقوق العمال والتصدي لما يحدث لهم من انتهاكات.

ونعلن نحن المتضامنين مع العمال رفضنا لتقديم عمال مدنيين لمحاكمة عسكرية، وتطالب بإحالة القضية للقضاء العادي، وتطالب أيضا بمحاكمة المسؤلين عن موت العامل ومحاكمة إدارة المصنع التي تسببت في أكثر من انفجار وإصابات ووفيات بين العمال بسبب الإهمال، ونحذر أن تكون المحاكمة صورية وحكمها جاهز سلفا، ونعلن بدأ حملة تشهير واسعة محليا ودوليا ضد المسؤلين عن تلك المذبحة.

--------
المشاركون في الحملة

جبهة التهييس الشعبيه

me myself and I

ماحدش فاهم
جنين
دهووم
انسانة
طراطيش كلام
غريب
ياباني
ميزو
ثورة مصر
صرير قلم
ادهم
مدونة شاب مصري
الحلم العربي

رسائل البحر
أنا وهؤلاء
ايجي فويس
مدونة دودا

مصري
تأملاتي
مصري في فرنسا
مركز الدراسات الاشتراكية
تضامن
المنتدى النقابي الحر
اخوان اون لاين
هرش مخ
حكايات مصرية
كومة ورق
مصر الحرة
Mostahfazana

اما نعيمة
المحلة مصر
مصريون من اجل سيادة القانون
lost princess
ذات
Marwa Learns
مدونة بهية

ولازال عدد المدونات المتضامنه يتزايد مع الوقت

يرجي التوقيع علي بيان التضامن مع العمال هنــــــــــــــــــــــــــــــــــــــــــــا

ونرجوا من الجميع نشر البيان في كل المدونات

صور وفيديو الوقفه الصامته الثالثه ضد التعذيب ومؤتمر التغيير بالدقهليه

2010-07-21T17:59:00.002+03:00

متأخر جدا البوست دا ...واتقطعت عليا الكهربا بعد ما كنت كتبته ونسقته وقبل ما اعمله نشر ... ربنا يستر ويكمل على خير المره دى :(

بما انى اتأخرت فى النشر فـ هيبقى عباره عن الصور والفيديو بس بتاعت الوقفه والمؤتمر كالتالى :

*وقفة المنصوره الثالثه ضد التعذيب وحدادا على خالد سعيد:

----> الصور:

-عرض شرائح بالصور كاملة:

http://www.flickr.com/photos/bermawy/sets/72157624462907938/show/

- مختارات من الصور :

- للتوصيف وحجم اكبر اضغط على الصوره:

----> مقطاع الفيديو:

**المؤتمر الاول للجمعيه الوطنية للتغيير بالدقهليه :

----> -عرض شرائح بالصور كاملة:

http://www.flickr.com/photos/bermawy/sets/72157624462907938/show/

- مختارات من الصور :

- للتوصيف وحجم اكبر اضغط على الصوره:

---->والفيديوهات للاسف مكنتش فاضى اصور لان كان عندى واجب تنظيمى ساعتها :D

بس الاخ والزميل محمد صلاح على الفيس بوك قام بالواجب معانا وصور وظبط :

صور محمد صلاح ضحية التعذيب بالدقهلية بعد الخروج من المستشفى

2010-07-21T15:55:00.001+03:00

مفيش تطورات فى القضيه اكتر من اللى اتذكرت فى تدوينات سابقه

والدته سيده طيبه وغلبانه ولا تقدر على مطاحنة رعاع النظام متمثلين فى وزارة الداخليه وقسم شرطة دكرنس ولا حتى اعمام محمد صلاح وابنائهم المصرين على التكسب من وراء مصيبه ابن اخوهم المتوفى -محمد يتيم- على شكل علاقات مع البشوات ومرشحى مجلس الشعب ...دا ظنى بهم بناءا على تعاملى معهم وافعالهم حتى الان ..خلص الكلام . :(

الصور من الاعلاميه بثينه كامل اثناء زياره شخصية منها لمحمد واهله فى بيتهم هنا فى الدقهليه ..مشكوره جدا على مجهودها دا :)

للتوصيف وحجم اكبر ..اضغط على الصوره

This is why Muslims Hate US government

2010-07-12T20:26:00.001+03:00

الوقفة التضامنية لـ محمد صلاح وتفاصيل تنشر لاول مره

2010-07-07T22:10:00.011+03:00

النهارده الساعه 6 مساءا كان ميعاد الوقفه الصامته امام مستشفى الدولى التخصصى بالمنصوره تضامنا مع محمد صلاح

الشباب بدأ يتجمع ووصل عددنا فى النهايه حوالى عشرين الى تلاتين شاب الى جانب قيادات فى الجمعيه الوطنية للتغيير فى الدقهليه وهم الاستاذ حمدى القناوى من حزب التجمع والدكتور سالم سلام الاستاذ بطب المنصوره ونائب الدكتور محمد غنيم منسق عام الجمعيه بالدقهليه.

*بدأت احتكاكات الامن مبكرا عن طريق ظابط فى ملابس مدنيه -فى الصور بالاسفل- وبعض عناصر الشرطه لتفريقنا وطردنا من المكان ،رفضنا الانسحاب لان التظاهر حق شرعى لينا وتحاور معه الدكتور سالم سلام و لما وجد اصرارنا على تنفيذ الوقفه رضخ للامر ، وتم استدعاء عقيد شرطه علاء زكريا رئيس البحث الجنائى لشرق الدقهليه - ايه صفته للتواجد هنا !!- وتم تصوير المتضامنين وحتى مراسلى الصحف والقنوات مثال على ذلك غادة مراسلة المصرى اليوم بالمنصوره وقد طالبتهم بمسح الصور الخاصه بها ولم يستجيبوا - تم تصوير ذلك .

**بعد قليل من عدم استجابتنا للامن فوجئنا بثلاثة اشخاص عرفوا انفسهم على انهم اهل محمد صلاح - عمه الاكبر "محمود" وابناء عمومته - تم التأكد من ذلك ، الا انهم وبدلا من الوقوف فى صفنا وصف ابنهم المعذب وجدناهم يشكروننا على الحضور مع المطالبة بالانصراف لان "محمد وصله حقه خلاص ووجودكم ملوش لازمه" ، ثار بعض الشباب واتهمهم بالجبن والرضوخ للتهديدات الامنيه الا انهم اصروا على انصرافنا بمسانده واضحه من الامن ، طبعا لم نستجب واستمرت الوقفه مدة نصف ساعه امام بوابات العيادات الخارجيه ثم انتقلنا الى البوابة الرئيسية للمستشفى واستمرت الوقفه نصف ساعة اخرى حتى الساعه السابعه حيث رفع المتضامنون لافتات تندد بتعذيب محمد صلاح وخالد سعيد وتطالب بوقف العمل بقانون الطوارىء والكف عن تعذيب المواطنين ، يذكر ان من الشباب المشارك اعضاء فى حركة 6 ابريل الشبابية وحركة كفاية .

***المعلومات الجديده :

1- الطرف الوسيط بين وزارة الداخليه - ممثلة فى العقيد علاء زكريا- واهل محمد صلاح -ممثلين للاسف فى اعمامه واقاربه من طرف ابيه المتوفى فى المرحلة الحاليه - هو اللواء اسامه ابو المجد مرشح لعضوية مجلس الشعب فى الانتخابات القادمه وهو الذى مارس الضغط على اهله حتى استجابوا للظهور ومحاولة قتل القضيه واخمادها كما ساوضح.

2- امين الشرطه عبد الفتاح سليمان - احد عنصرى الشرطة المتهمين بتعذيب محمد صلاح - يمارس عمله فى مركز شرطة بنى عبيد بشكل طبيعى وعادى جدا حتى الان !!!!

3- للاسف مضطر اذكر النقطه دى واوضحها كويس ... اهل محمد صلاح فعلا هم امه واخواله وهذا الكلام على لسان احدهم اما اعمامه واقاربه من طرف والده فلم يكن لهم اى علاقه به وصراحة هذا ما استشعرته من تعاملهم معنا فى الشارع امام المستشفى اليوم .

4- الام غلبانه جداجداجدا وكل ما يهمها هو علاج ابنها على نفقة الدولة لانها لا تستطيع التكفل بتكاليف العلاج وصرف تعويض مناسب وتوظيفه لانه حرفيا اصبح "عاجزا " - قبل الوقفه بمده بسيطه محمد كان فى غرفة العمليات وتم زرع شريحه فى فخده اخث من عظام اضلاعه على ما اتذكر ..امور طبية - ولا تدرى لها معيلا ولا جلادا الا النظام متمثلا فى وزارة الداخليه التى تطلق عليها اللقب الفخيم ..الحكومه.

5- مورست تهديدات من طرف اهل والد محمد المتوفى على الام انها اذا لم ترضخ لتسوية الامور بشكل سلمى وتغيير الاقوال -مع تعهد على طريقة وحياة ربنا ما هنتهمه انه بلاغ كاذب - فسوف يطالبون بالوصايه على محمد واخدها منها .

6- محامى محمد صلاح وهو الاستاذ مصطفى صلاح - مجرد تشابه فى الاسماء- لم يحصل على توكيل رسمى من محمد حتى الان -الواد مدغدغ فى المستشفى - ولكنه حضر ممثلا عنه فى التحقيقات وهو من قدم طلبات وقف التحقيق الغير قانونى واعادة التحقيق معه.

**ملاحظه: محامى محمد صلاح وهو الاستاذ مصطفى صلاح كان متوجه من خارج المنصوره الى مكان الوقفه فتم تعطيله من قبل الامن على الطريق ومنعه بشكل وصفه "بالتوقيف الدبلوماسى " له من اجل منعه من المشاركه والحديث الى المتضامنين ...احب اذكر هنا ان الاستاذ مصطفى للامانه من الناس -ان لم يكن اولهم - الذين ساهموا فى اخراج القضيه للعلن ..له منا كل الشكر والتقدير .

*** نوجه عناية الجميع للاتى :

--------------------------------- قضية محمد صلاح هى قضية نموذجيه للتعذيب الممنهج فى مصر على الخلاف من قضية خالد سعيد كالتالى :

1- محمد صلاح لازال حيا -شفاه الله وعافاه- وان كان الحقوقيون ينظرون اليها على انها ميزه وفضيله الا ان النظام الحقير ينظر لها على انها ورقة ضغط على اهل المعذب لتسوية الامور والا لن يتم علاجه او تعويضه بل وبالاحرى قد ينكل به وبهم .

2 - خالد سعيد -رحمه الله- توفى متأثرا بالضرب الهمجى ولم يعد عند اهله ما يخسروه اكثر من فلذة كبدهم الذى ضاع ..رغبتهم فى التعاون من من يريد ان يثبت اجرام المعتدين اقوى من رغبه اهل محمد صلاح .

3- اهل خالد سعيد كما ظهر لنا من صورة وتسجيلاته والحوارات معهم قادرين ماديا "مبسوطين" وله اخ ذو جنسية اخرى ... على عكس اهل محمد صلاح الذى كان يعمل على توكتوك لتوفير نفقات المعيشه ووالده متوفى ، هنا تربح كفة الترغيب والترهيب عن قيمة اخد الحقوق او تبييض الوجوه .

4- هناك " اهلان " لمحمد صلاح ... اهله كامه واخواله وخالته - تكلمت معهم .... واهله كاعمامه واولادهم - تكلمت معهم ايضا ، اهل يحثوننى على مساعدتهم فى اخذ حق ابنهم بالقانون ودون الرضوخ للتهديدات كخاله الاستاذ عادل ...واهل يرهبوننى بالشكوى الى عائلتى "بلادنا متجاوره" اذا لم ارضخ واترك القضيه "واحنا ادرى بمصلحة ابننا منك ،.....اترك لكم الحكم .

5- والدة محمد سيدة حرة وتأبى الظلم على الرغم من ضعفها وتكالب الاحوال عليها ، ومن رآها فى المقاطع المصوره بالامس وهى تصرخ بان ما يؤذيها وترفض ان يتم هو تكذيب ابنها واتهامه "برمى جتته " على الامن المصرى فالامر كما قالت " احنا نتنازل ماشى ما دى الحكومه وابنى يتعالج ماشى وهنتنازل بس ابنى يطلع كداب لا ...ابنى مش كداب ...وابنى اضرب " ثم تنسحب من امامى والمراره تقطر من كلامها.

................لــــــــــــــــــذا وبناءا على ما سبق ....قضيه محمد صلاح قضية متكرره ونشهدها كثير خصوصا فى الريف المصرى الا ان التغطيه الاعلاميه شبه معدومه والاهالى لا يعرفون حقوقهم ويخافون حتى الموت من الداخليه ورجالها بدأ من اصغر خفير مرورا بالبشوات امناء الشرطه ومن تعامل منهم مع مأمور القسم فهو فى خبر كان فى عرفهم ، وهذا يحتم على منظمات المجتمع المدنى والحقوقيون فى مصر جماعات وافراد ان يتضامنوا مع ضحايا تلك القضايا جاعلين هدفهم ومقصدهم نقطتين لا غنى عن تحقيقهم :

1- اخذ حقوق ضحية التعذيب وحمايته من البطش الامنى والتهديدات بالملاحقه فيما بعد . 2- اعطاء حجم اعلامى للقضيه يوصل رسالة لهواة ومتخصصى التعذيب والتنيكل بافراد هذا الشعب انه لاسكوت بعد اليوم ولتكفوا ايديكم عنا وتلتفتوا الى حقيقة عملكم ..... فرسالتى للشرطه المصريه : انهؤلاء هم شباب وافراد شعبكم ...احموهم بدلا من ان تعذبوهم .

الــصــــــــــــــــــــــــــــــــــــور

الصور على موقع فليكر ...لحجم اكبر وتوصيف للصوره ..اضغط عليها .

دا عرض الصور على شكل داتا شوو http://www.flickr.com/photos/7133493@N02/sets/72157624445757034/show/

مقــاطــع الفــــــــــــــــــــيديو

اخر التطورات فى قضية محمد صلاح ضحية التعذيب الثانى بعد خالد سعيد

2010-07-06T22:05:00.005+03:00

النهارده 6/7/2010 توجهت للمستشفى اللى محمد محتجز فيها حوالى الساعه 12 الضهر لاجد الاتى :

1- محمد صلاح كان مفروض يدخل غرفة العمليات الصبح وتم اخطار اهله بكده على غير الحقيقه حيث انه كان بيتم "تحضيره " للتحقيق معاه على يد وكيل النيابه الفرعيه لدكرنس داخل المستشفى وهو احمد عبد العاطى واللى اثار شبهات حول حياديته ونزاهته بالممارسات المغلوطه اللى مورست على مسمع ومرأى منه دون محاولته لردعها او تعديلها.

2- تم اكتشاف كذب الامن على اهل محمد صلاح لما دخل وكيل النيابه قدامهم للتحقيق معاه ومنعوا هم من الدخول.

3- محامى محمد صلاح حاول الدخول ولكن الامن منعه متمثلا فى امين شرطه واقف على المدخل الوحيد اللى ممكن نعبر منه لداخل المستشفى فى حين باقى المداخل مغلقه امامنا.

4- الوحيد اللى كان مع محمد فى التحقيقات هو ابن عمه نبيل وهو شاب صغير السن ايضا وقد تم ارغامه هو والضحيه -ترغيبا وترهيبا- وفى غياب اى دعم معنوى او قانونى من الاهل والمحامى على تغيير اقوالهم والزعم بانه لم يضرب وهو من قذف بنفسه من الشباك بالدور التالت فى مركز الشرطه.

5- فى هذه الاثناء حضر اهل محمد واصدقائه من بلدتهم ومنهم عمه الحاج احمد لظنهم ان محمد فى العمليات ومحاولة دعمه عن طريق التبرع بالدم وما الى ذلك .

6- والدة محمد صلاح كانت فى حالة نفسية سيئه جدا وكان ظاهرا تعرضها لضغط نفسى رهيب حتى انها رددت على مسامعنا ما اوهموها به من ان اى اطراف اخرى تريد التدخل فى القضيه ومساعدتكم ما هى الا منظمات مشبوهة مدعومه من الخارج و"بتقبض من دول تانيه" على حد تعبيرها.

7-ملحوظة نهائية ان اللى ورا التخطيط للضغط والمساومات دى كلها حسب ما وصلنا هو العقيد علاء زكريا رئيس البحث الجنائى فى فرقة شرق الدقهليه اللى بتجمع خمس مراكز هى دكرنس منية النصر وبنى عبيد ومحل الدمنه وتمى الامديد . -جزء من المعلومه من اهل محمد وجزء وصلهولى مراسل جريدة الغد فى دكرنس محمد صبرى اسماعيل .

8-قمت بتسجيل تلك الاحداث والتصريحات والمواقف على شكل صور ومقاطع فيديو وقمت بنشرها كالتالى :

اضغط على الصوره لحجم اكبر ووصف للمحتوى على فليكر

كل شريف فى مصر مطالب اولا برفض الظلم دا بينه وبين نفسه وجيرانه واهله
ثانيا نصرة اى مظلوم وفضح ممارسات النظام ضده زى ما فى حالة خالد سعيد ومحمد صلاح
وبكره ان شاء الله فى وقفه بندعو ليها كل شرفاء مصر بغض النظر عن انتمائتهم السياسة او حتى عدم اهتمامهم بالسياسية لان دا حق انسانى للكل
بكره الوقفه هتكون قدام البوابه الغربية للمستشفى الدولى التخصصى بالمنصوره "امام بوابةالعيادات الخارجيه " والمستشفى مكانها خلف استاد المنصوره
نرجوا الاهتمام والمسانده من الجميع

التحقيق فى قضية محمد صلاح :- خالد سعيد 2

2010-07-05T20:09:00.004+03:00

اضغط على الصور لحجم اكبر والوصف على موقع فليكر

بسم الله

نبدأ منين ؟؟؟

اها

خلونا نقسم اليوم لتلات مراحل بالنسبه ليا .

الاولى لما كنت مع خال محمد صلاح و محاميه والمحامى المنتدب من مركز النديم ومعاه الدكتوره سلوى هى كمان من مركز النديم.

التانيه لما كنا قدام مكتب وكيل النيابه.

التالته لما كنت فى المستشفى اللى فيه محمد صلاح فى المنصوره.

*اولا:-

اتقابلنا انا من جهة والاستاذ هيثم محامى مركز النديم والدكتور سلوى من المركز من جهة والاستاذ مصطفى محامى الشاب محمد صلاح ضحية التعذيب وخاله الاستاذ عادل من جهة اخرى .

بداية الكلام كانت للاستاذ مصطفى وهو اللى اتصل بمركز النديم وكان السبب الاساسى فى نشر القضيه للرأى العام وقال ان غرضه من دا حماية الضحيه واهله من تعنت الشرطة لان الناس عندنا غلابه ومتعرفش حقوقها والشرطه بتعتمد على تهديد الضحايا بمزيد من الضحايا اذا لم يتم التنازل والسكوت,يعنى يهددوا الاهل لو ملموش الدور عشان الابن اللى اتعذب هياخدوا الابن التانى وهكذا.

الاستاذ عادل خال الضحيه كانت متعاون معايا جدا وقال انه مش هيسكت خصوصا ان الولد "متدغدغ" جدا ، الخال اشتكالى ان محمد صلاح معمول عليه مراقبه اربعه وعشرين ساعه مستمره على شكل ورديات من ساعه ما دخل المستشفى بشكل بيمثل ارهاب ليه ولاهله لو حاولوا يتكلموا .

وهنا اتدخل المحامى وقال كلام استغربتله جدا: ثم التحقيق مع محمد صلاح فى حضور اربع لواءات شرطه ومن غير ما يكون محاميه موجود وكانت حالته الصحيه سيئه جدا انه يمثل لاى تحقيق وتم تعنيفه هو ووالدته (والد محمد صلاح متوفى ) ، الاغرب ان التحقيق تم فى وجود الاتنين عناصر الشرطه المتهمين بتعذيبه ، يعنى الجلاد كان هو الخصم والحكم ، اى شهاده دى اللى تتاخد واللى اجرم فى حقك واقف فوق رقبتك !!!؟.

لما سألنا المحامى ايه سبب تواجدنا فى النيابه دلوقت ، قال انه هيقدم طلب لمنع التحقيقات الغير قانونيه مع الضحية محمد صلاح لان مفيش اذن من النيابه للتحقيقات دى خصوصا ان اللى بيقوم بيها "مفتشين من وزارة الداخليه".

** ثانيا :-

بعد كده طلعنا الدور التالت فى مجمع المحاكم اللى فيه النيابه الفرعيه لدكرنس ودخل محامى محمد صلاح ومحامى مركز النديم وخال محمد صلاح لوكيل النيابه ووقفت انا والدكتوره سلوى ننتظرهم بالخارج ، الدكتوره كانت بتحاول انها توعى المخبرين اللى برا بطبيعة وحقيقة وظيفتهم وكان الرد محفوظ منهم " احنا عبد المأمور" وانا كنت بتوت اللى بيحصل باستمرار .

شوية وخرج لنا من مكتب وكيل النيابه-وكيل اخر غير اللى عنده المحاميان- عقيد شرطة عرف نفسه بـ علاء زكريا بعد وصلة هزار انه يشبه مرتضى منصور ، المهم سألنا عن صفاتنا وانا قلت انى صحفى عشان ميشتغلنيش ، قالى: ياريت تكتب الحقيقه بس ومتحاولش تدى للامور اكبر من حجمها ، والحقيقه هنا واضحه وهى اقوال "المتهم" فى محضر الشرطه انه فعلا مكنش معاه رخصه وحاول الهروب من الكمين ولما قبضوا عليه وعرف انه هياخد محضر قيادة توكتوك بدون رخصه رمى نفسه من الشباك .

هنا اتعصبت الدكتور سلوى وسألته ازاى مفتشين من الوزاره يحققوا معاه دا غير قانونى ، رد بان دا مش تحقيق عشان القياده بدون رخصه لكن تحقيق "ادارى" لانه اشتكى عاملين فى وزاره الداخليه وجزء من التحقيق معاهم اخذ اقواله ، قالتله ان دا غير قانونى وانتا عارف كده ولكنه تهرب من الاجابه ، بس فى الغالب كان محترم فى التعامل معانا ومكنش فيه اى نوع من "التحرش" الامنى بينا.

فى اثناء تواجدنا قدام مكتب وكيل النيابه حضر الى المكان مراسل جريدة الغد محمد صبرى وتعارفنا ولقيته بيحذرنى من واحد واقف جمبنا انى اخد بالى من كلامى قدامه لانه امن دولة ، شوية ولقينا مخبر جاى بيأمرنا بالتوجه لـ " مدير النيابه" ، الدكتوره معبرتوش ومشيت من النيابه راحت على المستشفى فى المنصوره فى لحظتها لكن احنا سمعنا الكلام ورحنا لقيناه سألنا عن وظيفتنا –شاب فى سنى تقريبا-، اخد كارنيه مراسل الغد وانا استغرب اوى لما قلتله انى مدون ومش تبع حد واخد بطاقتى وقالنا استنوا برا خمس دقايق ، شوية وندهلنا وقال تمشوا من هنا لان تواجدكم فى النيابه غير قانونى الا باذن من النائب العام !!!!!!!!!

بعدى طردى من النيابه اضطريت انى اسيب الجماعه فى غرفة وكيل النيابه وامشى اروح المستشفى .

***ثالثا:-

رحت المستشفى وعرفت ادخل مع انه ممنوع –ازاى!؟- معرفش انا خدتها عبط فى هبل كده لقيتنى وصلت ، كلمت ابن عم محمد صلاح واسمه هيثم وهو المرافق الوحيد اللى كان متواجد معاه فى المستشفى ، قالى انه مش هيقدر يتكلم دلوقت لان المستشفى كلها مخبرين وجمبه مخبرين ومحمد نايم اخد مسكن ولو حاولت ادخل هعمل مشاكل ليهم ، ساعتها انا كنت واقف قدام قسم العظام فى الدور التالت وبينى وبينه امتار ، بعد مداولات وكام اتصال اقتنع اخيرا انى مش جاى عشان ااذيه خصوصا لما عرف اسمى واطمن انى فعلا من بلد جمبهم وان شاء الله هحاول اتقابل فيه النهارده بليل .

*** ملاحظه اخيره : نبيل قال ان والدة محمد صلاح "فى مشوار" ومقلش انها فى مديرية الامن زى ما منشور فى الجرائد .

حداد على خالد سعيد

2010-06-24T21:23:00.005+03:00

استجابة لدعوة نشطاء الفيس بوك هنــــــــــــــــــــــــا ..... اذا كنت مدونا ..ارجوا منك الانضمام

خالد سعيد ..حادث تعذيب جديد فى الاسكندريه

2010-06-10T20:49:00.011+03:00

تحديث 2 : من مدونة محمد عبد الفتاح :

حد المتظاهرين امام قسم شرطة سيدي جابر يروي العنف الذي تعرضوا له علي يد قوة أمنية.

كان عشرات النشطاء السياسين و اهالي منطقة كيلوبترا قد شاركوا في وقفة سلمية أمام قسم شرطة سيدي جابر احتجاجاً علي مقتل خالد سعيد الشاب السكندري علي يد مخبري كيلوبترا

تحديث: من نوت على الفيس بوك

خالد محمد السعيد
أسكندرانى
28 سنة
والده متوفى من و هو عنده 5 سنين
والدته ربة منزل كبيرة فى السن
عنده أخت كبيرة متجوزة و عايشة فى القاهرة
أسمها زهراء
و أخ أكبر ب15 سنة أسمه أحمد و عايش فى أمريكا و معه الجنسية الامريكية
ساكن فى كليوباترا
مخلص ثانوية عامة
و مدخلش جامعة
بس كان مهتم بالمزيكا و الاجهزة و الكمبيوتر

يوم الحادث الساعة 10 مساء كان واقف مع صحابه فى الشارع و كان واحد "مِعرفه" بيجري و بيجري وراه تلاته مُخبرين
بسبب حياذة و تعاطي مخدرات لهذا الشاب
استنجد بخالد فجري عليه راحو المخبرين جريوا وراهم هم الاتنين و مسكوا خالد و الولد التانى هرب
مسك المخبرين خالد أمام باب بيتهو كتفوه و اعدوا يضربه افتراضاً بأنه هو كمان معاه "بودرة" من غير تفتيش ولا حاجة
و خبطوا راسه فى السلم لحد ما مات
بعديها أخدوه فى البوكس ودوه القسم الظابط لاقه ميت
قاللهم أرموه قدام بيته و حطوله كيس بودرة فى فمه و قولوا أنتحر
و سرقوا 100 جنية كانت معاه و تليفونه المحمول
و الولد التانى "عُرف" انه مات من جرعة مخدرات مكثفة ليلة الحادث

كان الساعة 11 و اكتر من 150 شاهد أتصلوا بالاسعاف و راح المشرحة
رفض أخوه أخذ العزى غير لما يجبلوا حقه

أهل خالد و صحابه عملوا أعتصام .. دلوقتى 12 مساء الخميس 10\6 أمام قسم سيدى جابر
بوجود صحافة و مصورين

و أصدر مأمور القسم بتصريح من الداخليه أمر بضرب و أعتقال كل المعتصمين
و ملمومين كلهم دلوقتى فى قسم سيدي جابر
و من ضمنهم صحافيه شابة و مصور شاب و محامي أتضربوا و كسروا الكاميرات و حبسينهم

أسماء المخبرين
- عوض
- محمود الفلاح

و ضابط المباحث اللى كان فى البوكس
مباحث قسم سيدى جابر
-أحمد عثمان

أهل خالد مش ساكتين و مش هيسكتوا على حقه و هيوصلوا القصه لكل المسئولين و وسائل الأعلام

بقالى مده كبيره معملتش اى تدوينات ... جيت امبارح وكتبت واحده مفروض انها مسليه ودمها خفيف لكن للاسف مينفعش انزلها فى الجو المحبط اللى صحيت عليه النهارده الصبح

بصراحه انا شفت الصور امبارح بليل قبل الفجر بشوية ومكنتش مركز..افتكرتها صور للشباب المصرى اللى اتسحل واتصلب فى لبنان ..بس عن قرب ...ساذج انا

اقوم الصبح الاقى اسماء محفوظ فاتحه بوست اقتراحات على الوول بتاعها فى الفيس بوك عن مواجهة التعذيب اللى حصل لخالد محمد

مركزتش اوى

الاقى عبد الرحمن فارس عامل بوست على مدونته ...حاولت اتأكد من مصدر صحفى ملقتش ...بس وصلت ان اساس الخبر الدكتور ايمن نور

خلاصه الامر عشان مطولش عليكم ان الشاب خالد محمد كان قاعد فى نت كافيه دخل اتنين مخبرين "ياكلوا عيش " على قفا رواد المقهى ..للاسف خالد كانت روحه حرة شوية ..رفض طريقة التفتيش المهينه اللى اتعاملوا بيها معاه

طبعا دا ينرفز البشوات اللى خلاص اعتبروا الشعب دا شوية خنازير فى خرابه هما بيديروها ...وزى ما انتو عارفين ..كل ما تضرب الخنزير ياكل ويتخن اكتر .... البشوات طحنوا العلقه التمام قدام رواد النت كافيه واصحابه ...وخد عندك الكلمة الوسخه الجايه دى ...وسط ذهووووووول المتواجدين...ذهول ايه يا شعب حقه يتمسى ويتصبح بعلقه ..يعنى انا متأكد ان اللى كانوا فى السايبر كافيين اوى يدافعوا عن الفقيد ربنا يرحمه ويصبر اهله ....لييييييييييييه محدش هز طول ودافع عن الواد ... انا شايف انه نجاح للساسيه اللى بتنفذها الحكومة المصرية فى التعامل مع جيرانها ...واحنا مالنا ..هاتوا فلوس واحنا نحارب ..ما احنا ياما عملنا وخدنا ايه ...النتيجه ان الشعب نفسه بقى بيتعامل مع بعضه بنفس الطريقه ..وادى النتيجه ..جهاز امنى متوحش نسى اصلا ايه وظيفته الاساسيه ..وشعب خانع خاضع ذليل متواطء موطوء مخنوق قدام القوة دى .

الحفله لسه مخلصتش رايح فين؟؟ لسه لسه دا الكلام هيحلو....

بعدين اخدوا خالد لعماره جمب السايبر وكملوا الضرب وتقريبا حسوا انه لسه فيه الرمق وبالتالى شدوه على البوكس وووده قسم الشرطه ...عملوا الواجب والحمد لله وصلوه لبيته الحقيقى صح

واستريح من الدنيا وقرفها

وجابوه رموه فى الشارع مكان ما خدوه ..بس خلاص

النت كافيه : فى شارع بوباست

منطقة الحادث: كليوباترا

المجرمين تبع قسم شرطة : سيدى جابر

المخبرين هما : محمود الفلاح والاخر شهير ب عوض المخبر

اهل الفقيد : حرروا محضر رقم 1545 بتاريخ الاثنين سبعه يونيو 2010

التفاصيل بقى للى عايز يتأكد هتلاقيها

عند ايمن نور فى الفيس بوك

عند عبد الرحمن فارس فى مدونته

عن جريدة الشروق فى عدد النهارده

إسأل البرادعي: الإسلام و تغيير المادة الثانية؟‬

2010-06-07T01:28:00.001+03:00

إسأل البرادعي: الإسلام و تغيير المادة الثانية؟‬

أول جولة ميدانية لناشطي حملة جمع التوقيعات للبرادعي

2010-04-24T11:03:00.023+02:00

تحديث: النت اتعدل شوية ..بس التدوينه اللى انا كنت كاتبها طلعت تعبانه جدا قياسا للتقرير الرائع للصحفى احمد عطيه اللى كان مرافق لنا فى الرحلة الجميله لجزيرة ابن سلام فى بحيرة المنزله

هنزل التحقيق بتاع احمد وهزود عليه الصور من عندى ... والفيديو قريب ان شاء الله

تحقيق الجولة : لاحمد عطيه .....

تصوير: محمد حسن ......

تحديث مؤلم: تصوير الفقيد : محمد حسن

(الشروق) تسجل أول جولة ميدانية لناشطي حملة جمع التوقيعات للبرادعي

http://bit.ly/9Hdmj7

الفيديو على الفيس بوك اهه http://bit.ly/cd2Dpc

اقروا التقرير على الموقع وتعالوا شوفوا الصور هنا :)

التفاصيل بعد ما الانترنت يتظبط عندى ... وملعون ابوكى يا تى اى داتا

يوم 6 ابريل فى جامعة المنصوره – يوم فحلقى

2010-04-06T22:21:00.005+02:00

دا المعرض بتاعنا ببساطه - تصوير مصطفى زكى

عميد الامن الجامعى بيمارس حقه الغبائى فى افساد المعرض ... بعد الصور دى وطى وجاب اللوحه وقطعها والنديم حاول يمنعه ... بس الغباء ملوش حل - تصوير مصطفى زكى

لشاب اللى بيزعق قصاد رشا بدوى دا للاسف امين اتحاد شباب الجامعه .. شغال مرمطون للامن ...للاسف- تصوير مصطفى زكى

دا عميد الامن اللى كان قافنا وحاول يطقع لوح المعرض ويطردنا من المكان وجابلنا مسئول رعاية الشباب فى الجامعه عشان كده - تصوير مصطفى زكى

اللى حصل فى المنصوره تقريبا يوم مصغر من اللى حصل فى القاهره باستثناء ان ربنا ستر ومفيش اعتقالات .

بدأ بتأخرنا نص ساعه عن الميعاد المتفق عليه وهو اتناشر الضهر ودا ببساطه لان الامن كان واقف لنا هناك قدام كافيتريات كلية الحقوق

اللى زاد وغطى ان ادارة الجامعه متمثلة فى رعاية الطلاب حاولت تعمل ضربة استباقيه للمعرض البسيييييييط خالص اللى كانت ناويه عليه حركة ستة ابريل واقامت حاجه شبة اليوم الرياضى كده ايام المدارس … بنج بونج وشد حبل …اه والله شد حبل … ومسابقات غناء ومعرض رسوم

دا كان فى كذا مكان فى الجامعه … والاجمل انهم عاملينه فى مداخل الطرق الاساسيه فى الجامعه عشان لو فى اى تحرك لسته ابريل او الاخوان يتم اجهاضه او تفرقته .

قلنا مش مشكله …. اهم حاجه الامن ميقرفناش … خدنا الفرشه..اقصد الكام لوحة بالصور اللى معاهم ورحنا على المكان المتفق عليه … حطينا المعرض على الارض ..زى ما باين فى الصوره … وبدأت رشا بدوى تتكلم … وتبين ايه سبب المعرض وليه عايزين الدستور يتغير واشمعنا طلبت معانا نقول لا لقانون الطوراىء …. الناس بدأت تستجيب وفيه ردود حلوة وتبعث على الامل بدأت تطلع … ماشى .

بعد شوية بدأت البشاير تهل بقا … اتنين أمناء شرطه وظابط عسولة ومعاهم اللاسلكى اللذيذ ووقفوا يتفرجوا وبراءة الذئاب فى عنيهم … عادى … اى نعم صورتهم وخدت كام كلوز اب عشان الكروت وكده ..بس كانوا هاديين .

حبه وبدأت المناوشات … امين اتحاد طلاب الجامعه … المعين طبعا لان مفيش انتخابات … كان واقف يسمع واحنا مش واخدين بالنا … بدأ الشد والجذب فى الكلام عشان نوصل لدرجة انه يقف على المعرض برجليه ويقولنا يلا امشوا من هنا …. زعيق قصاد زعيق ..عشان نفاجىء ان واحد من الامن فى لبس مدنى كالعاده كان واقف … اتقالى انه عميد بس انا مش متأكد… المهم بدأ يدوس على المعرض ووطى مسك احد اللوحات وقطعها … البعض مننا تصدى ليه … بوكس بدأ يحوم فى المكان …. عربية جابت المسئول الجامعى عن رعاية الطلاب … وبيطالبنا بتصريح للمعرض دا … طبعا معبرناش .

فوجئنا ان العالم الهايفه راحوا جابوا طرابيزة بنج بونج وحطوها جمبنا … عشان آل إيه.. الناس تتشد لهم ويمشوا من عندنا … اسلوب اطفال وشغل سذج بصراحه …. ولا حد عبرهم … مناوشات من هنا وهناك كل شوية والوضع كان رايح فى سواد.

مراسلين الصحف اللى كانوا معانا اتزعقلهم عشان بيصور البهوات ... طبعا انا اتهددت انى لو مبطلتش تصوير هياخدوا الهاندى كام منى .

شوية ولقينا مجموعه شكلها غريب كده من الرجال جت …اللى قديم فى الحركة اتعرف عليهم انهم مخبرين امن دولة … اتهزءوا من رشا كالعاده J وخدوا كلمتين فى جنابهم ... ولا حياة لمن تنادى.

اضطرينا اننا ننهى المعرض بعد ما وصل لرشا بدوى انها هى والبنات هيتشدوا اول ما يخرجوا من الجامعه .

كالعاده نظام مبيتشطرش الا على البنات .

بدأنا فى الخروج تلاتات او اقل عشان نشتتهم .

بعضنا طلع بسلام

والبعض الاخر اتحاصر فى الجامعه لبعض الوقت وبعد كده عرف يخرج

الجميل اننا جمعنا حوالى تلاتين توقيع على بيان البرادعى من شباب الجامعه …. عدد كويس جدا نظرا للهرجله اللى كانت حاصله .

بس

دا اللى حصل باختصار لانى مرهق ومش مركز وناسى جزء من الاحداث

سلام.

تــوصــيــلــة

2010-02-17T12:52:00.005+02:00

المصدر مجهول بصراحه-مش تصويرى-

اركب الميكروباص بعد إنتظار لا بأس به ، لسعت فيه الشمس رأسى حتى التهبت السحايا . لطالما اعتبرت الميكروباصات شرا لابد منه ولكنى احاول قدر استطاعتى عزل نفسى عن الوسط المحيط بى فيه . اضع سماعات الاذن راغبا فى القليل من سحر اليسا ورومانسيتها التى تقطر حزنا ولكن يأبى بعرور او سخيف اخر من إخوانه إلا ان يتحفنى بتجربته مع الحشيش او سفالته مع النساء ، اوقف اليسا طالبا من جارى ذو الموبايل الصينى خفض الصوت قليلا ، ينظر لى شذرا ثم ووببطىء شديد يخفضه درجة او اثنتان على الاكثر ،لا احبذ شجارا الان . ارجع الى اليسا شارعا بحنق انثوى سرعان ما اتخلص منه . التفت بنظرى الى خارج السياره علىّ اتناسى الصوت العربجى الاصيل الذى يشدوا جوارى، هناك ارجل بيضاء بضه الى جوارها حوافر لا تخلو سيقانها من علامات المرض والهزال ، الكل على ضفة فرع النيل ما بين غسيل لملابس واطباق واغتسال من نصيب ذلك الفرس او تلك الحماره اظنه المتعه الوحيده فى حياة هذه الحيوانات البائسه ، النساء فى القرى مدمنات "بلبطه" فى مياه "البحر" كما يسمونه ، وكثير منهن يظن ان الملابس والاطباق لن "تتطهر" وتصبح نظيفه الا فى مياه البحر ، تمر الى جوارهن جثة عجل صغير طافيه فيكتمن انوفهن بالاوشحه مستمرات فى "مرش" الملابس بهمة تصلح لبناء سد جديد . يتهادى الميكروباص قليلا فيسارع صبية لازال شعر وجوههم يناضل فى خضاره لمعاكسه هى اقرب للتحرش بفتاه تجلس امامى ، اكتفى بنصحها بغلق الزجاج بعد ان سود وجهى احدهم بسبة طالت امى العزيزه . يتسارع أداء السائق بعد خروجه الى طريق خالى حتى يصل الى سرعة مائة كيلو متر او تسعون ان كنت متساهلا ، فيما نحن مستسلمون كالخراف ، يعترض احدهم بصوت خفيض فيسارع من بجواره الى اسكاته " بس متـفـولش انتا وهنوصل – ان شاء الله –" ، يثنى رجل امامهم على تقديم المشيئة . تهب رائحه جيفه ماتت او القيت بجوار الطريق فاسارع بغلق الزجاج لاعنا التخلف فيما تلعن اليسا حظها مع من احبته وضربها ، تهرب منى ابتسامه ساخره حول مدى نضوج اليسا الفنى متصورا اياها "ارطه" راسها وتحمل طفلا عارى المؤخرة سائل الانف وهى تشدوا "بعد النهارده ازاى انا على نفسى هرضى ارجع لحد قدر يمد ايديه عليا " ، فيما تهرب عجلة القيادة من يد السائق الشاب ، ينقلب الميكروباص مرتين قبل ان يحيف الى فرع النيل مشتاقا ، تغمرنى المياه ... الصرخات... الاستغاثات ...هناك من يتلو الشهادتين ومن تستنجد بالمسيح الحى فيما اكتفى بنزع سماعات الاذن واغلاق الهاتف ...فلا داعى لاستهلاك البطاريه خصوصا انى لا انتظر مكالمه من احد.

غزة تحتفل بفوز المنتخب المصري

2010-01-29T02:56:00.001+02:00

والله حاجه تحرج بجد
الناس دى مصابه بهانى شاكر سندروم...متلازمة هانى شاكر....والمصطلح من افتكاس نواره نجم ....او دا الطبيعى والصح ...زى ما الطبيعى والصح ان ميكونش فيه اصلا معبر وزفت وتكون غزه ومصر واحد ...يعنى حتى مش هنروح لفرضيه الجدار اللى صاحب الحكمة الابدية واقف يفتح صدره ويتنطع بيه ........اهلى شعب غزه
احرجتونا :-$

مصر .. النقاب في لجان الامتحانات

2010-01-21T13:11:00.001+02:00

Viva Palestina attacked and beaten in Al Arish 2010

2010-01-11T00:05:00.001+02:00

جنازة شهداء اقباط نجع حمادى

2010-01-07T18:53:00.001+02:00

جنازة شهداء اقباط نجع حمادى...حينما يبكى الرجال ..فاعلم ان القلوب محترقه ..ووقت كلام جبر الخواطر قد ولى .لله درك يا مصر

احمد مكي - فوقوا / Ahmed Mekky - Fou2o (wake up)

2009-11-14T18:35:00.001+02:00

من أجلك انت

2009-10-27T11:49:00.003+02:00

من أجلك انت

على الفيس بوك

على مدونة جابر

يا جـــــمـــــال .... ايـــــش عــــرفـــــك انــــــــت؟

2009-10-23T15:26:00.004+02:00

تحديث.... جروب الحمله على الفيسبوك

تضامنا منى مع الحمله المصريه لمناهضة التوريث

نقلا عن بت خيخه واى كلام

تضامنا مني مع حملة نوارة نجم

ايش عرفك انت

اكتب هذا البوست

ايش عرفك انت بواحد مؤهل عالى بيشتغل شغلتين فى قطاع خاص

ومجموع مرتبه من الوظيفتين لا يتعدى ال 900 جنيه شهريا

ايش عرفك انت بمحمد مدرس العلوم

اللى بياخد 350جنيه شهريا

ومتجوز وعنده عيلين

وكل طموحاته انه يقدر يقي عياله من شر الجوع

ايش عرفك انت بفاطمة خريجة الاعلام

اللى اشتغلت فى صيدلية

بتكنسها وتمسحها وترتب علب الادوية

علشان تاخد 100 جنيه اول كل شهر

ايش عرفك انت بمنى خريجة التجارة

اللى بتشتغل فى محل جزم

وبتضطر انها تطنش تحسيس مديرها على صدرها فى الرايحة والجاية

علشان خاطر 300 جنيه شهريا بتساعد بيهم امها الارملة وباقى اخواتها الاربعة

ايش عرفك انت بمروة اللى على وش جواز

و راحت تصرف شيك من وزارة الشؤن الاجتماعية

تضامنا من الدولة فى تيسير مصاريف الزواج

عارف الشيك بكام؟

بخمسين جنيه

اشترت بيهم طشت وكنكة

اه صحيح وانت تعرف منين

تلاقيك متعرفش يعنى ايه طشت

ايش عرفك انت بأم محمد الكفيفة والكسيحة

اللى ابنها محمد عائلها الوحيد

مات فى حادثة

واللى قتله ابن واحد من كبارات البلد عنده نفوذ

ومارضيش حتى يدفع دية لام محمد

وقالها بالحرف الواحد

مالكيش عندى دية

واخبطى راسك فى الحيط

ايش عرفك انت بيا

تعرفنى منين انت ولا ابوك

علشان تبعتولنا تلغرافات تعزية في والدي

حسيت بيا يوم

جيت معايا يوم وانا فرحانة بنفسى وفخورة

بمؤهلى العالي

اعلام قسم صحافة

ورايحة اقدم على وظيفة فى مكتب محامى

الاقيه بيقولي

هتكتبى المذكرات على الكمبيوتر

وهتكنسى وهتمسحى المكتب وهتقدمى شاى للعملا

وهتاخدى 150 جنيه شهريا

مسحت دموعى يوميها؟

حسيت معايا بالاهانة يوميها؟

لعنت اليوم اللى اتعلمت فيه يوميها؟

ايش عرفك انت بيا

جيت معايا لمكتب توظيف

وشوفت صاحب المكتب الوسخ ابن الوسخة

وهو بيغتصبنى بعيونه

وبيعرينى بنظراته من راسى لرجلى

ويقولى انا مستخسرك فى بهدلة الوظايف اللى عندى

انتى هتبقى ليا انا؟

ولو عايزة من الف جنيه لخمستلاف انا مستعد ادفعهم؟

تفيت معايا على وشه يوميها؟

بطنك وجعتك يوميها من حقارة العرض؟

نفسك راح منك من الخضة وانت بيتعرض عليك عرض وسخ كدة؟

مشيت فى الشارع يوميها وانت عيونك مزغللة من دموعك؟

ايش عرفك انت بيا

اشتغلت فى يوم بيبي سيتر لبت عندها ست سنين

من ورا اهلك

علشان متجرحش مشاعرهم

و علشان متهينش مستواهم الاجتماعى

وعلشان مايستنكروش فعلتك

وانك ازاى تشتغل كدة وانت مؤهلك اعلام قسم صحافة؟

وان عيلتك مراكزها حساسة؟

سمعت بودنك اهانة ام البت

وهى بتقولك من طراطيف مناخيرها

ازاى بتقولى لبنتي تجيب القلم من على الارض

امال انا جايباكى هنا ليه

ده انا مابطلبش منك انك تشطفيها بعد ما تعمل تواليت

دى البنت بتندهلى انا و بتقولى يا مامى تعالى شطفينى لانها مابتعرفش تشطف نفسها

ايش عرفك بيا وقتها

حسيت بيا وقتها

قلت فى سرك معايا وقتها وانت بتلم حاجاتك و بتمشى من عندهم وبترزع الباب وراك

احا يا بنت الكلب انتى كمان عايزانى اشطف طيز المحروسة بنتك بعد ما تشخ خرا

صعبت عليك نفسك يوميها

عيطت يوميها

روحت بيتك و كنت عايز تحرق ام الشهادة اللى خدتها

ومش عارف تعمل بيها ايه غير انك تلفها وتلبسها فى طيزك زى الخازوق

بصيت فى عيون اهلك ولومتهم لوم صامت

انهم استجابوا لرغبتك ودفعوا دم قلبهم فى تعليم خاص

علشان تتعلم الحاجة اللى بتحبها

واخرتك بيبى سيتر عند عيلة

امها عايزاك تشطف طيظ المحروسة

ايش عرفك انت بيا

اتطردت فى يوم من مكتب

مدير مكتب مدير جامعة

علشان مارضيتش انك تتمرقع معاه فى الكلام

علشان يوافق انه يدخلك تعمل انترفيو مع مدير الجامعة

ايش عرفك انت بيا

كنت معايا فى المعادى

لما بنت وقفتنى وطلبت منى انى امشى

معاها شوية لحد محل الكوافير اللى بتشتغل فيه

علشان ادارى جيبتها المقطوعة

وفى وسط دردشتنا

شهقت بالصوت الحياني فى الشارع

وقالتلى يا نهار ابيض

لما عرفت انى جاية من اكتوبر لحد المعادى

علشان ادور على شغل وانا معايا بكالوريوس اعلام قسم صحافة؟

وهي ساقطة ثانوية عامة وبتشتغل وبتاخد مرتب كويس

كنت معايا يوميها وهى بتعرض عليا انى اشتغل معاها

في نتف الحواجب وعمل الوش بالفتلة

واخد الف جنيه فى الشهر غير البقشيش؟

ايش عرفك انت بيا

ايش عرفك انت بذل بنت الأكرمين علشان تعتمد على نفسها

دون اللجوء لواسطة عيلتها ام مراكز حساسة

ايش عرفك انت بيا

لما الاقى نفسى محطوطة بين خيارين

ياما اشتغل شرموطة او خدامة علشان اخد مرتب كويس

او اشتغل شغلانة محترمة واخد مرتب لا يقينى ذل السؤال ولا يقينى شر الحاجة

هى البلد دى مافيهاش وظائف محترمة بمرتب محترم؟

مافيهاش وظيفة لا تهين شرفى ولا كبريائى ولا مستوايا الاجتماعى ولا تعليمى؟

ليه الوظائف المحترمة مرتباتها تكسف

وليه الوظائف الوسخة والمهينة مرتباتها عالية

وليه علشان اشتغل شغلانة محترمة بمرتب محترم اضطر انى الجأ لواسطة؟

طب والناس اللى معندهومش واسطة يعملوا ايه؟

ايش عرفك انت بيا دلوقتى

يتعيط معايا معايا دلوقتى

مناخيرك ساحت منك دلوقتى

حاسس بقهرتى دلوقتي

صوتى وصلك دلوقتى

سامعنى يا جمال

طب ابوك سامعنى؟

ايش عرفك انت بواحدة بنت ناس و متعلمة ومتربية

تتحول لمجرد بت خيخة

عارف يعنى ايه خيخة

تلاقيك مش عارف

بص يا اسمك ايه

الوحيد اللى كان ممكن اخاف عليه من كلمة طظ هاقولهالك هو ابويا

وابويا مات

فبالتالى دلوقتى بس اقدر اقولهالك بعلو صوتى

يا جمال طظ فيك

وطظ فى ابوك

وطظ فى امك

وطظ فى عيلتي ام مراكز حساسة

اللى خايفين على مراكزهم الحساسة من كلمة طظ هاقولهالك

اخر الكلام

يا جمال

لو عايز تحكمنا ... اعرفنا

اخيخ كلام

يا جمال عنداً فيك وفي ابوك

انا لسة قادرة اضحك من قلبي

وايش عرفك انت بالضحك من القلب؟

انتهى

بت خيخة وأي كلام

بورسعيد...... كارسعيد

2009-09-11T20:27:00.007+02:00

صوره بكاميرا موبايلى التعبانه لاحد المناظر فى بور

كنت فى بور اليومين اللى فاتوا .... انا اعتيادى هناك كل تلات اربع شهور بحكم انها بلد اخوالى ...... بس فيه شىء لاحظته منفر اوى المره دى .....غير الزباله اللى فى كل حتة ومستوى الفقر الى عمر بورسعيد ما عاشته قبل كده ولا البنات اللى اففففففف واففف دى زى ما انتا تحسبها تنفع مدح "من النوع قليل الادب بس" وذم ........ غير كل ده لقيت حاجه عاشره........ اييييييييييه العربيات دى كلها اييييييييييه الهبل ده ..... مدينه تتاخد كعابى"موتورجل" وفى قراءات اخرى "سيرا على الاقدام" فى نص ساعه ساعه بالكتير اوى لو انتا ماشى معاك مراتك الحامل ..... الاقيها "تعج" بالسيارات من كل نوع وشكل وغباوة....... ولمن لا يعرف فالسيارات فى بور ارخص منها فى اى حته تانيه بالجمهورية "منطقة حرة" خصوصا الهوندا واخصا الهوندا سيفيك...... المهم ان العربية اللى باربعين وخمسين الف فى بر مصر بعشرين وسبعتاشر فى بر بور ....... الى جانب عدد مهووول من التاكسيات وبرضه احدث موديل وكل ده فى مساحه لا تزيد عن تلات كيلو متر فى اتنين ونص " المدينه بتاخد شكل شبه متوازى من منظور عين الطائر" ...... اه ونسيت اقول انها برضه بور فيها بدال الخط اتنين وتلاته من السرفيسات وبرضه منها النضيف اوى والمتوسط ومفيش رابع ورا "ودى ميزه لا توجد فى اغلب محافظات مصر" ..... يبقى السؤال بقا ليييييييييييييييييييه العدد ده كله من السيارات الخاصه فى بلد مفترض انه ميسور الحال تاكساويا وسيرفيسيا ...... دا المنصوره اللى هيا المنصوره -حيث تراخيص التاكسيات متوقفه من كام سنه- لازلت هناك اماكن كثير فيها صالحه للسير وللركن يعنى فيه متسع للمزيد من السيارات" تقريبا نفس مساحه وشكل بور" فى حين بور كل الشوارع مركونة السيارات مخنوقة المسارات خصوصا شارع التلاتينى وما حوله "حاجه زى نص البلد كده" .

خلاصة الامر انى هضطر اغنى نفس الاسطوانه المشروخه بتاعت اننا شعب استهلاكى وغير منظم وعنده الكماليات فى سلم اولوياته قبل الضروريات وان بره بيستخدموا العجل فى كثير مفن مدن اوروبا مع القدره على شراء السيارات وووو الى اخره...... بس الاكتر من كده اننافى بلد بنيته التحتيه هشه او شبه مشلوله ومع ذلك المستوى ده من الاسراف بيخنقنا اكتر واكتر...... يبقى بالعقل كده نستاهل حكومتنا ونظامنا ده ولا لا؟؟؟؟ هو حد سمع عن بلهارسيا بتيجى لحد ادى دهره للترعه قبل كده؟؟؟ ياشعب بورسعيد ممكن لو سمحتوا تدوا دهركوا للترعه؟

ظلاميــــــــــــــــــات نورانـيـــــــــــــــــة

2009-08-07T01:54:00.007+03:00

ما الذى يحدث ياشباب مصر ....... لا اكاد ارى احدكم مستبشرا .... سواء كان هذا فى الفضاء الافتراضى هنا او حولى فى الحياه .... ما بين هارب وضارب ........ فلا الهروب اراح ولا التوهان فى دروب الضرب ازاح......... القنوط فى وجوهنا يصرخ انا انقذونى من نفوس ترى النور ما هو الا شرارت كهرباء لسلك عريان فى يد ضابط سفاح......... نفوس ترى الظلام طامس ... غامس... ظلام قطيفه لا لمعه فيه حتى لو شقه نور اى صباح.......... ااقول اف لى ولكم ام اقول اف لهم ام اقول افا للعالمين اجمعين......... ما بين كافر بارضه الى نازع لعرضه الى منتشٍ بالحاد اخذ بلب عقله .......... ما الذى يحدث حقا.......... تائه فى الرد .

ها انا فى اخر سنين دراستى الجامعيه ولن اقول الديباجات المعروفه كمثل انى لا اعرف ما القادم ام لا اجد مخرجا الخ........ بل اقول انى والحمد لله ..... كعمل موجود .... كارتباط سهل جدا....... كاسره مستقره......... لكنى لا اطيق انفاسى على ارضى........... لا اجد عشق ترابها يسرى من جديد..... حقا اكرهها .......... لا كره تدمير ولكن كره من عاف الشىء............. اعافك يا بلدى....... اعافك يا لقيطه عصرى.............. اعافك يا من بصكوك الغفران كفرتى ويامن فى دروب البغاء تعفرتى........ افيدونى اكرهكموها الله .......... الا من نور؟

اســتــدعـــاء بــطـــعـــم خـــفـــة الظل

2009-07-29T14:38:00.005+03:00

النهارده راجع من الزفت التدريب اللى مالوش لازمه ..... فى عز الحر...... الاقى الحاجه قاعده محسوره يا عينى وبتقولى جايلك استدعاء من امن الدولة..... تروحلهم بكره فى مكتبهم الساعه تسعه الصبح......... والله؟!....... طب حد يحضر الغدا عشان جعان....... طيب هتعمل ايه يابنى....... روووووووووووقى ........ انا ايه اللى هيقومنى تسعه من النوم....... هنهرج.؟!.....ثم ان انا معرفش فين مكتبهم ده...........

المهم انا مش مضايق الا لسبب واحد ........ ليه دلوقت....... يعنى لسه فاكرين ولا العالم دى مش شايفه شغلها كويس...... ولا هوه الورق اللى كان مكتوب فيه اسمى تبع الاخوان اتاخر فى الوصول ليهم اربع سنين؟؟؟؟؟........ بجد استفزاز....... يعنى مفروض الناس دى تتشد على الاستهتار ده........ امن البلد مش لعبه......... انا بصراحه مليش مزاج افوت حاجه لذيذه زى دى خصوصا انه اتحكالى عنها ....... وبيقلك الظباط هناك دمهم خفيف وبيعموا احلى نمر تنفع فى اى فيلم درجه تالته....... بس مفيش مشلكة نسال حد من الاخوه القدام ....... اروح ولا؟...... فوتوكوا بعافيه

الدنـــــيــــــا بقت مقرفه اوى!!

2009-06-15T14:44:00.004+03:00

هتبقى غريبه انى اتغيب تلات شهور واول ما اكتب يبقى شغل اكتئاب كده .... بس فعلا الدنيا بقت مقرفه اوى ....... اوى

وعلى كل المستويات..... قرفان اقعد اعدد حتى ..... من منظرنا قدام نفسنا للى ركبولنا دقن عيره يمكن نحبهم فى شخص اوياما للى فاكرينهم ....... بقولكم ايه... فعلا والله قرفان لدرجة انى مش عايز اتكلم ........ الدنيا مقرفه......... وبس

مــنــمــنـــمــات فـــكــريــة ... حـلـقـــــة أولــى

2009-02-11T20:05:00.007+02:00

تشابه فى اللفظ لا أكثر-منمنمة فارسية- "الصورة نقلا عن توبك فى الديفيدى العربى"

------ < حجات مكعبرة ... ساعات مدورة ... المهم ان شكلها مش هيركب على موضوع محدد واضح المعالم ممكن اتكلم فيه.....تلح عليا من وقت الى اخر ... عايزة تطلع ساعات .... ممكن اوئد البعض منها ونظرة سخرية على وجهى فى اوقات كثيرة ... لكن فى الاخر بعضها بيقدر يهرب على ورق ،مطالب بحقة اللى بيعتبره شرعى فى انه يشوف الدنيا ... او الدنيا تشوفه .... مش هتفرق كتير ... تحت كثير من الالحاح اديتهم كلمة شرف " خلاص يا حلوين بعد كده هتنكتبوا تحت اسم منمنمات.... مش باينين ؟!.... صغيرين ....! ميضرش .... مش يمكن غيرى يتبناكوا ... يكبركم ...يحوركم ...المهم ان الوئد مش مستقبلكم .... مش كده ولا ايييييه؟" .....حلقات هيتنشروا فيها من غير ترتيب ولا سابق معاد ... اتنين .. خمسه... نص فكرة حتى.... نبتدى..

1- بعض العيون تخرج مغرورقة بالدموع بعد الصلاة إما خشوعا ... أو لكثرة التثاؤب ... والثانى هو الغالب.

2- ليه ساعات بنعتبر بعض افكارنا او ارائنا غير جديرة بالنسب لينا لمجرد انها فى تخصص " منفهمش فيه قد كده" فبالتالى قبل حتى ما تقولها تبص للى قدامك وتقوله بلهجة تحذيرية " دا رايى اى نعم بس انا مفهمش فى النقد الفنى "... ياسيدى طفل مبتسر احسن من منفى الابوه....مش كده ولا ايه؟

3- انا جعااااااااان .... - طب وانتو مالكم ؟!- بصراحة عارف والله .... بس اقاعد اقول منمنمااااااااات منمنمااااااااااات وفى الاخر يبقوا اتنين بس ....صيغة الجمع تزعل .... يبقوا تلاته عشان المصداقية .....انا ..... جعااااااااااان.

فـصـل دراسـى...ولا حــلــة بـريــسـتـو؟!

2009-02-09T23:04:00.005+02:00

منذ أسبوع أو يزيد انتهى فصل دراسى اتسم بالقسوة الناعمه ، قد اكذب على نفسى لو قلت انه ملىء بالاحداث الجسام او المجهودات العظام ...على العكس من ذلك ، لم ابذل من الجهد العقلى او النفسى او حتى الجسمانى الكثير ، ومن هنا اتت قسوته...
*** فعلى صعيد دراسى مرير اعيش فصوله منذ الانتقال البغيض لجامعة المنصوره -حيث ان تنسيقى قذفنى اول الامر الى الاسماعيلية- اعيش بين تناقض حبى لما ادرس وكرهى لاستذكاره .... عَله ضيق الوقت؟ ..ربما طريقة العرض؟ ..او حتى المزاج الشخصى؟ ...حقا لا أدرى!
***ومن جانب اخر فلو تكلمت عن الجهد الجسمانى لوجدته اقل بكثير من نظيره فى اوقات سابقة، الى جانب تطورات اخرى لا تهم سواى وقد اعرضها من باب الطرافه لا اكثر " كالكرش الصغنن الذى بدأ يعلن عن وجوده على استحياء".
***ام عَله نفسيا الذى اتت منه اكثر جوانب القسوه قتامة؟! ..حدث ولا حرج عن علاقات تتطور للأحسن بكثير ، واخرى اصابها سرطان ملعون اقل ما يقال عنه ان قسوة الleukemia"احد انواع سرطان الدم" تبدو كحيوان اليف مشاكس لا اكثر بالنسبة له.
***تم بحمد الله ترم بغيض قد يحاول مد تأثيره واثآره لبقية العام او حتى لاعوام تاليه ولكنى احسَبُه لن ينجح واحسَبُنى لن اساعده....

انفلونزا الطيور والحرب على غزة .. ما العلاقة؟!

2009-01-13T20:18:00.003+02:00

علاقة غريبة وغير واضحة المعالم بدأت تتكشف بين انفلونزا الطيور والحرب على غزة ،والرابط بينهما مصر ..... فحينما اصابت انفلونزا الطيور الثروة الداجنة فى مصر- على استحياء- قامت الحكومة يومها ممثلة فى وزارة الزراعة والجيش الى جانب التوجيهات العليا التى لا تخلو منها اى قضية كبيرة فى مصر " مع احتفاظه بالحكمة الابدية " ،قامت بالقضاء على ما يقرب من 50% من تلك الثروة او اكثر ، يعنى عملت اللى يستحيل كان يقدر عليه ذلك الفيرس اللعين ...... مصر الان ياسادة تتعامل مع غزة بنفس المنطق بل واكثر اهانة .
* التسويات التى تقدمها مصر لغزة هيا عبارة عن اعتراف خطى بانهم دواجن ، سنتوقف عن قتلكم ما دمتم سكتم عن الصياح ومحاولة تكسير هيكل " العشة " التى تحيط بكم ، بل واكثر من ذلك ، سنوفر لكم الطعام والشراب والدواء والكهرباء ، وكل هذا مجانا، ماذا؟؟! ترفضونة مجانا ....تريدون ان تشتروه باموالكم .... لالالالا نحن كما قلنا نعاملكم كدواجن ، اترونا ناخد من دواجننا حق ما نطعمهم .... بل وسنتركم من دون ذبح لمدة عشر سنوات ..... تصورا عشر سنوات دون ان تمتد يد لداخل " العشه"...... عفوا .... نقصد القطاع .... لتتحسس اجسادكم محاولة اخذ الاسمن والاكثر اشباعا ..... تصورا !! ..... ولكن انتظروا ، كما قلنا لكم ، لااااااا صـــــيـــــاح ..... الانفلونزا تأتى على الصوت وساعتها لا تلوموا الا انفسكم ، فقد حذرناكم ، ماذا ؟!....... لقاحات ضد الفيرس؟ ....... طبعا طبعا ....... ها هى ومدون عليها ايضا ضمان رسمى بان الفيرس لن يهاجم طوال مدة العشر سنين ........ "على فكرة اللقاحات اللى دخلت مصر ايام الانفلونزا على يد كبار حيتان رجال الاعمال حبايب صاحب الحكمة الابدية كانت صينى ومضروبة ولكن كالعادة تم 'الطرمخة' على اللى حصل" . عايز اقول ايه من الاخر يعنى؟؟..... لا ولا حاجه .... ما احنا اتفقنا من الاول ..... دى مجرد طراطيش كلام ........مش اكتر.

العقول الصهيونية تتفق فى كل شىء حتى الغباء!

2009-01-09T13:50:00.002+02:00

هذا مقطع وجدته على اليوتيوب من تغطية لقناة الجزيرة فى اليوم الثالث عشر للمجزرة على غزه حيث كان يغطى تداعيات اطلاق صورايخ من لبنان على شمال فلسطين المحتلة على مغتصبة يهودية...... فلندع الصوره تتكلم

Some Caricators about GAZA

2009-01-06T12:00:00.005+02:00

source:Al-Quds al-‘Arabi

source: the gaurdian

source :peoplesgeography.com

source: the gaurdian

source : unknown to me.

source : some turkish art.

ليفنى والجعجعة المعتادة:نحارب الارهاب!!

2009-01-05T20:54:00.003+02:00

للاسف من ضغط الامتحانات مش قادر اعلق على الاحداث بالشكل الامثل ، حتى هذا المقطع لا اجد من الدماغ فى الاخص ما يكفى للتعليق عليه.
ساتركه لتقدريكم انتم........

آن لمصر ان تستريح!!

2009-01-05T14:31:00.007+02:00

الآن نستطيع ان نقول للقيادة المصرى ...... احسنت ..لقد وصلت للهدف المرجو من كل تصرفاتك الغبيه على المستوى الدولى فى الفترة السابقة ، فها نحن نسب علننا فى مظاهرات التنديد فيما تفعل اسرائيل " وليس هذا ذنب من يسب بكل تأكيد" ، وها نحن نخرج من مكانة الوسيط الاكثر فعالية فى القضيه الفلسطينه التى ظللنا لفترة طويلة نعتبرها قضية امن قومى مصرى الى جانب انهم اخواننا " اه والله اخواننا واللى مش مصدق يخبط دماغه فى الحيط" ، آن للغوغاء "القلة كما هى العاده" التى تقول بكل صفاقة وتبجح" هنفضل نحارب للعرب لحد امتى ياعم...... ايكش يولَعوا...!!!"

*** آن لكل هذا ان يُأتى ثمار نجاحه...... فتركيا دخلت على الخط كممثل لمطالب حركة حماس وكشريك اساسى فى اى جهود تسوية قد يتم القيام بها فى الفترة القادمه.

*** آن لكل هذا ان يُأتى ثمار نجاحه...... فقطر اصبحت من قواد المنطقه اصحاب الصف الاول .... تدعو لانعقاد القمم ... وتقول من الكلام على لسان اميرها ما عقمت السنه غلماننا من القاده عن نطقه .......

*** تستطيع ان تحتفل يامبارك .....فلن يزعجك احد بعد الان بكلام من نوعية " مصر الاخت الكبيره" او " نتطلع الى دور مصرى محورى فى هذه القضيه او تلك" ....... تريد السلام... حسنا ها هوه سلام الارانب الذى نعيش فيه....... ألا سحقا لك ولسلامك المخنث .... ألا سحقا.

لافتة جديدة للشاعر أحمد مطر!!

2009-01-05T14:22:00.004+02:00

**بعيدا قليلا عن ازيز المعركة الدائره فى غزة .... هذه التدوينة ....

الشاعر العراقى أحمد مطر فى قصيدة جديدة لكل العرب :-
"اضغط على الصورة لتكبيرها"

اتمنى ان تفيقكم .....

وتــــســــتـــمـــر الــــمـــــذبــــــحــــة!!

2009-01-03T22:50:00.009+02:00

هذه تدوينه حيث لا مجال للكلام سأترك الص وره تتكلم:-

وهذا فيديو لبداية تحرك القوات الهمجية فى اول ليلة الرابع من يناير:-

مبارك : دى ارض اسرائيل ويجب ان ترى ما يدخل وما يخرج منها!!!!؟

2009-01-02T23:30:00.004+02:00

والله بلغ السيل الزبى ..... والله لا اجد ما يعبر عما يموج فى نفسى ويحرق جنبات عقلى الا سبابا ما يزيدنى الا اثما وما ينقص من قدره شيئا.... لا لعلو مكانته "حاشاه" ولكن لضعف حجته وكثرة زلات لسانه وهوانه على الناس حتى اصبح الرد على كلامه من قبيل الجرى وراء طفل مشاكس قذفك بحجر فى الطريق ، المشكله انه ليس بطفل ولكنه رئيس دولة...... عذرا ان كان كلامى مبهما ولكنى امسك بزمام اصابع يدى بصعوبة بالغه عن النيل من عرضه السايسى - هذا ان كان قد تبقى له منه شىء - ان سالومى تبكى دما فى قبرها الان فقد اصبح هناك من تعرى اكثر منها امام بنى اسرائيل .... عذرا سالومى ولكننا حضارة سبع تلاف سنه ، ولازم دايما نكون سباقين فى الحجات دى...... سيدى الرئيس........ سيدنا يحيى يستطيع الان ان يبتسم فى مراره ..... هناك رقاب كثيره قطعت عوضا عنه .
*** اترككم مع التصريح الثورى الملىء بالحكمه الجباره ........ انصتوا

اللهم....... "مـــمـــنــوع" ......آمييييييييين

2009-01-02T13:31:00.006+02:00

النهارده اول جمعه منذ بدأت الاحداث الدموية فى غزه، بس يظهر انها غزه فى "بعد اخر او عالم موازى " غير اللى احنا عايشين فيه، طبعا نزلت عشان اصلى الجمعه - ودا شىء فى حد ذاته جميل - اللى مش جميل ولا حتى طبيعى - خاصة انى صليت فى مسجد البلد الرئيسى اللى بيصلى فيه حوالى 3000 شخص - ان الإمام طلع من عالم موازى او بعد اخر " لالالا...... دا غير البعد بتاع غزه ....ركزوا شويه معايا ".... استنى حضرة سعادته يتكلم عن اى حااااااجه ..... اى حاااااااااااجه ......تخص وضع اهالينا هناك من بعيد او قريب او حتى من وجهة نظر الCNN .............. مفيش ........... بح ........... سكوت .......... هوه للامانه اتكلم عن الموت واعداد العدة له واننا الى جنة او نار ..... انا بصراحه ساعتها حسيت انى ظلمته وانه بيسخن بس وهيتكلم اهه...... لحد ما فهمت ان فيه جنازه هتقوم من المسجد بعد الجمعه....... ساعتها راح عندى كل امل فى انه ينطق حتى حرفى الغين والزاء مجتمعين ......... بس اكيد طبعا هيدعى ليهم، او حتى بوجه عام ، لأخواننا المسلمين فى مشارق الارض ومغاربها .... الخ الخ ..... الدعاء الاعتيادى بتاعنا يعنى ....... اقسم بالله ما قال فى دعاءه قبل الاقامه سوى " اللهم انصر الاسلام واعز المسلمين" .......... وفقط .
*الهذا الحد اصبحت قبضة امن الدولة قوية على مساجدنا وبيوت الله؟!!!!!!!
**الهذا الحد بلغت المهانه اننا حتى اصبحنا غير قادرون على " الدعاء" ...... اى عبث تقوم به الدولة المصرية بشعبها ...... ارى مظاهرات تضامنيه فى كل الدول العربية التى نقول عنها " زهقنا نحارب لهم " تخرج بملايين بمساعدة انظمتها التى نقول عنها ايضا " نظم خانعه" لتقول لا للذى يحدث فى غزه ...... ونحن عندنا لو خرج مائتى شخص امام اى من نقابتى الحرية " المحامين والصحافة" تجد اضعاف اضعافهم من الامن المركزى يحيطون بهم وكانها محاولة لقلب نظام الحكم الذى يعبث بنا.
***والله بعد تفكير ...... لم أجد بدا من ترك الدعاء لاهل غزه ..... هناك ملايين كثيره فى العالم يدعون لهم ....... ارى ان يركز المصريون دعائهم وعملهم وجهدهم لهدم النظام الوثنى الذى يحكمنا بيد اقل ما يقال عنها انها " يد نجسه " لا تستحق ان توضع على قيودنا.
****ارى من يصح فيهم " وجاء من اقصى المدينه " قد كثروا هذه الايام ........ سيدى الرئيس هتحتاج كام معتقل زياده الفتره الجايه.... الناس بقت مش مستحمله رائحه الخيانه التى تفوح منك .
......... صاحب الفخامه والسعاده والسمو ........ اسال الله فى علياء سمائه ان يذلك انت واعوانك ومن مالئك على مرىء ومسمع من العالم كله ............ انتهى.

للاسف شكلنا مش هنبقى طيبين السنة دى!!

2008-12-29T14:47:00.001+02:00

كل سنة وأنتم طيبين.... بنقولها كل سنة لبعض.... بس ياترى هينفع نقولها السنادى.... انا مش سوداوى ولا مخى ضِلم ولا حاجه ، بس بأمانه حد شايف اى خير فى الفتره الجاية؟!..... محليا واقليميا وحتى عالميا .... تيجو نراجع كده الوضع بشكل سريع:-
* محليا......... مصر يا امه ياسفينه ...... مبارك خرمك وللاسف فاكر انه خِضر العبد الصالح ......... سيدنا موسى مات من زمان ياريس.
** اقليميا ........ بيتهيألى ان الكلام هيقلل من قيمة اللى بيحصل ........ نعدى النقطه دى احسن.
*** عالميا ........ ازمه مالية طاحنة ستأتى على الاخضر واليابس .... وسايسة امريكيه مهيمنه وفى نفس الوقت غير واضحه المعالم.
وبالتالى فقول ان " كل سنة وانتم طيبين" شكلها هيبقى اما مضحك او ماسخ او حتى مثير للسخرية.
اللى اقدر اقوله ربنا يستر...... شدوا حيلكم.

وفى الليلة الظلماء يفتقد .....العلى!

2008-12-29T12:40:00.008+02:00

حنظلة وفاطمة .....بيسلموا عليك يا ناجى العلى...بيقولوك الوضع زى الفل... الاغتيالات الفرديه خلاص....بطلوا ينفذوها...ايه؟!... قصف غزه؟! ياااااراااااجل ... دول العرب اللى بيضربوها ...عادى يعنى...زيتنا فى دمنا فى غازنا......"انتهت الرساله"

اسيبكم مع شوية رسومات من اجمل ما صنع ناجى

ناجى العلى اغتيل طبعا كأى صحفى حر عربى فى زمنه

دلوقت مفيش صحفيين بيغتالوا ...بيُدجنوا

للمزيد عن ناجى العلى على الويكيبيديا

إلـــبـــســــوا طُرح !

2008-12-27T16:05:00.004+02:00

نداء الى كل رؤساء العرب ....البسوا طرح ......يامبارك...البس طرحة....يا عبدالله السعودية..البس طرحة بعقال يافالح....ياعبدالله يابن الخائن...البس طرحة....ياقذافى يابق...البس طرحة على شكل خريطة افريقيا......ياشوية ذيوول البسوا طرح......طز فى حماس وطز فى السلطه الفلسطينيه بحالها...مش دمنا اللى بيسيل ده هناك يا متواطىء يا صامت يافاسد منك له؟؟؟؟؟؟؟؟.........والله ما انا لاقى حاجه اقولها ....والله ما تستاهلوا كلمة نصيحه.....هو المنتقم.