الأربعاء، يوليو 29، 2009

اســتــدعـــاء بــطـــعـــم خـــفـــة الظل


النهارده راجع من الزفت التدريب اللى مالوش لازمه ..... فى عز الحر...... الاقى الحاجه قاعده محسوره يا عينى وبتقولى جايلك استدعاء من امن الدولة..... تروحلهم بكره فى مكتبهم الساعه تسعه الصبح......... والله؟!....... طب حد يحضر الغدا عشان جعان....... طيب هتعمل ايه يابنى....... روووووووووووقى ........ انا ايه اللى هيقومنى تسعه من النوم....... هنهرج.؟!.....ثم ان انا معرفش فين مكتبهم ده...........
المهم انا مش مضايق الا لسبب واحد ........ ليه دلوقت....... يعنى لسه فاكرين ولا العالم دى مش شايفه شغلها كويس...... ولا هوه الورق اللى كان مكتوب فيه اسمى تبع الاخوان اتاخر فى الوصول ليهم اربع سنين؟؟؟؟؟........ بجد استفزاز....... يعنى مفروض الناس دى تتشد على الاستهتار ده........ امن البلد مش لعبه......... انا بصراحه مليش مزاج افوت حاجه لذيذه زى دى خصوصا انه اتحكالى عنها ....... وبيقلك الظباط هناك دمهم خفيف وبيعموا احلى نمر تنفع فى اى فيلم درجه تالته....... بس مفيش مشلكة نسال حد من الاخوه القدام ....... اروح ولا؟...... فوتوكوا بعافيه

هناك تعليقان (2):

  1. غالبا .. وحسب خبرتي المحدودة .. الموضوع عبارة عن " شد اذن " علي خفيف ... والغرض منه توصيل رسالة ..مفادها اننا - هم - نعلم " دبة النملة " في البلد سواءا علي النت او غير ذلك .
    باذن الله سينتهي الموضوع علي خير ...ستسمع كلاما علي غرار " نحن عارفين انه الوضع مش كويس في البلد .. بس المفروض اننا نختار الطريق اللي نقدر نساعد بيه البلد " ... وبعض الحديث " عن ان البلد مستهدفة .. وان الاعداء يتحينون الفرص للهجوم وتحقيق اي مكاسب علي حساب الاستقرار الداخلي للبلد "
    اهم شئ ان تكون متوازنا في مشاعرك وانت ذاهب ... فلا خوف شديد ..ولا استهانة ايضا ... بمعني - اذا قررت الذهاب - ان تخبر شخصا ..ولا ضرر ان تبحث عن شخص ذو علاقات ما ..يستطيع ان يتدخل اذا ما ساءت الامور - لاقدر الله - فهذا سيجعل لديك احساس ببعض الامان .. ومتزن عند حديثك ومقابلتك معهم.
    اعلم ان بعضا من حديثي قد لا يروق لك ... لكن انا اتكلم من واقع متابعتي وخبرتي المحدودة .
    علي فكرة ... لم اعلم لماذا اعلنت بهذة الطريقة عن نفسك مما سهل الوصول اليك ؟ ..علي كل الاحوال ..قدر الله وماشاء قد فعل ... ربنا يحفظك من كل سوءوشر ... علي فكرة برضه المدونة هادئة ... وليس بها زخم شديد ... وهذا ما يرجح فكرة " انهم يريدون توصيل رسالة ...حتي لصغار المدونون ... انكم لستم بعيدين عنا "
    انا لست اخوانا .. واعارض كثيرا من توجهاتهم السياسية ... وعثرت عليك في واحدة من اكثر المدونات التي " ابغض " طريقتها في مناقشة الامور ... وهي مدونة " جبهة التهييس " ... ولكن رغم هذا كله ... اتمني كل خير لك .. وانتهاء الموضوع برمته علي خير ما يرام ... فقط ابقي طمنا عليك ...بعد انتهاء الموضوع
    شكرا ودمت دائما بخير ... والسلام عليكم

    ردحذف
  2. الحمد لله اتلمت على خير لان والدى شاف واسطه وحتى لم يتم ادخالى ل"حضة الظابت" ..... بس خير يعنى طلع مش المدونة اساسا دا عصفور اهبل من الكلية..... تصدق بالله انا ولا فارقه بس انتا عارف الاهل ونظرتهم المليانه خوف من كلمة امن الدولة.... خير ان شاء الله.... وربنا ياخد صاحب الحكمة الابدية برضه مفيش مشكلة

    ردحذف