الجمعة، سبتمبر 11، 2009

بورسعيد...... كارسعيد

                      صوره بكاميرا موبايلى التعبانه لاحد المناظر فى بور  
كنت فى بور اليومين اللى فاتوا .... انا اعتيادى هناك كل تلات اربع شهور بحكم انها بلد اخوالى ...... بس فيه شىء لاحظته منفر اوى المره دى .....غير الزباله اللى فى كل حتة ومستوى الفقر الى عمر بورسعيد ما عاشته قبل كده ولا البنات اللى اففففففف واففف دى زى ما انتا تحسبها تنفع مدح "من النوع قليل الادب بس" وذم ........ غير كل ده لقيت حاجه عاشره........ اييييييييييه العربيات دى كلها اييييييييييه الهبل ده ..... مدينه تتاخد كعابى"موتورجل" وفى قراءات اخرى "سيرا على الاقدام" فى نص ساعه ساعه بالكتير اوى لو انتا ماشى معاك مراتك الحامل ..... الاقيها "تعج" بالسيارات من كل نوع وشكل وغباوة....... ولمن لا يعرف فالسيارات فى بور ارخص منها فى اى حته تانيه بالجمهورية "منطقة حرة" خصوصا الهوندا واخصا الهوندا سيفيك...... المهم ان العربية اللى باربعين وخمسين الف فى بر مصر بعشرين وسبعتاشر فى بر بور ....... الى جانب عدد مهووول من التاكسيات وبرضه احدث موديل وكل ده فى مساحه لا تزيد عن تلات كيلو متر فى اتنين ونص " المدينه بتاخد شكل شبه متوازى من منظور عين الطائر" ...... اه ونسيت اقول انها برضه بور فيها بدال الخط اتنين وتلاته من السرفيسات وبرضه منها النضيف اوى والمتوسط ومفيش رابع ورا "ودى ميزه لا توجد فى اغلب محافظات مصر" ..... يبقى السؤال بقا ليييييييييييييييييييه العدد ده كله من السيارات الخاصه فى بلد مفترض انه ميسور الحال تاكساويا وسيرفيسيا ...... دا المنصوره اللى هيا المنصوره -حيث تراخيص التاكسيات متوقفه من كام سنه- لازلت هناك اماكن كثير فيها صالحه للسير وللركن يعنى فيه متسع للمزيد من السيارات" تقريبا نفس مساحه وشكل بور" فى حين بور كل الشوارع مركونة السيارات مخنوقة المسارات خصوصا شارع التلاتينى وما حوله "حاجه زى نص البلد كده" .
خلاصة الامر انى هضطر اغنى نفس الاسطوانه المشروخه بتاعت اننا شعب استهلاكى وغير منظم وعنده الكماليات فى سلم اولوياته قبل الضروريات وان بره بيستخدموا العجل فى كثير مفن مدن اوروبا مع القدره على شراء السيارات وووو الى اخره...... بس الاكتر من كده اننافى بلد بنيته التحتيه هشه او شبه مشلوله ومع ذلك المستوى ده من الاسراف بيخنقنا اكتر واكتر...... يبقى بالعقل كده نستاهل حكومتنا ونظامنا ده ولا لا؟؟؟؟ هو حد سمع عن بلهارسيا بتيجى لحد ادى دهره للترعه قبل كده؟؟؟ ياشعب بورسعيد ممكن لو سمحتوا تدوا دهركوا للترعه؟

هناك 6 تعليقات:

  1. انت يا عم الكوتكوت.... صورت الشمس النهاردة؟

    ردحذف
  2. كنت عندك الصبح وسبت اخبارية باللى حصل ..... بكره اشوفها باذن الله حتى يبقى يوم فردى

    ردحذف
  3. نيمو؟ انت الشمس طلعت عندكوا من اساسه؟

    ردحذف
  4. بص انا لسه راجعة من بور سعيد
    من اسبوعين
    واللى غاظنى المرة دى أكتر من كل مرة
    ان كمية الشحاتين كترت اوى
    وكمان عليهم بجاحة ما حصلتش
    بعد ما كانوا شعب غنى وبيلعب بالبيضة والحجر
    بقوا شحاتين
    منه لله اللى كان السبب

    ردحذف
  5. وبالنسبة لطلبك ايد بنتى
    انا ناوية اجوزها وهى عندها 15 سنة
    مش هاستحملها اكتر من كدة
    وهى دلوقتى عندها تلات سنين
    قدامها 12 سنة تكون انت كونت نفسك كويس جدا
    وساعتها اللى فىيه الخير يقدمه ربنا

    ردحذف
  6. بالنسبه لبور فدا مش غريب اوى بالنسبه لمصر كلها ..... مستويات الشحاته عليت فى كل مكان .... اللى يغيظ هوه الفرق الشاسع بين اللى بيشحت واللى جايب عربية هوندا سيفيك زيرو عشان يتفسح بيها فى بلد تلاته فى اتنين كيلو متر
    بالنسبه لبنتك الاموره اللى ربنا يكرمها فانا والله مش شدنى ليها جمالها قد ما شدنى انها جميلة ووالدتها ماشية فى انها تربيها صح لان الجمال كتير اليومين دول بس غالبيتهم من نوع"خضراء الدمن " لو انك ملاحظه المصطلح..... وعموما لو وصلت ل12 ولسه متجوزتش هستخسرها فى نفسى لان هبقى عجزت اوى هههههههههه

    ردحذف