المشاركات
النهارده 6/7/2010 توجهت للمستشفى اللى محمد محتجز فيها حوالى الساعه 12 الضهر لاجد الاتى :
1- محمد صلاح كان مفروض يدخل غرفة العمليات الصبح وتم اخطار اهله بكده على غير الحقيقه حيث انه كان بيتم "تحضيره " للتحقيق معاه على يد وكيل النيابه الفرعيه لدكرنس داخل المستشفى وهو احمد عبد العاطى واللى اثار شبهات حول حياديته ونزاهته بالممارسات المغلوطه اللى مورست على مسمع ومرأى منه دون محاولته لردعها او تعديلها.
2- تم اكتشاف كذب الامن على اهل محمد صلاح لما دخل وكيل النيابه قدامهم للتحقيق معاه ومنعوا هم من الدخول.
3- محامى محمد صلاح حاول الدخول ولكن الامن منعه متمثلا فى امين شرطه واقف على المدخل الوحيد اللى ممكن نعبر منه لداخل المستشفى فى حين باقى المداخل مغلقه امامنا.
4- الوحيد اللى كان مع محمد فى التحقيقات هو ابن عمه نبيل وهو شاب صغير السن ايضا وقد تم ارغامه هو والضحيه -ترغيبا وترهيبا- وفى غياب اى دعم معنوى او قانونى من الاهل والمحامى على تغيير اقوالهم والزعم بانه لم يضرب وهو من قذف بنفسه من الشباك بالدور التالت فى مركز الشرطه.
5- فى هذه الاثناء حضر اهل محمد واصدقائه من بلدتهم ومنهم عمه الحاج احمد لظنهم ان محمد فى العمليات ومحاولة دعمه عن طريق التبرع بالدم وما الى ذلك .
6- والدة محمد صلاح كانت فى حالة نفسية سيئه جدا وكان ظاهرا تعرضها لضغط نفسى رهيب حتى انها رددت على مسامعنا ما اوهموها به من ان اى اطراف اخرى تريد التدخل فى القضيه ومساعدتكم ما هى الا منظمات مشبوهة مدعومه من الخارج و"بتقبض من دول تانيه" على حد تعبيرها.
7-ملحوظة نهائية ان اللى ورا التخطيط للضغط والمساومات دى كلها حسب ما وصلنا هو العقيد علاء زكريا رئيس البحث الجنائى فى فرقة شرق الدقهليه اللى بتجمع خمس مراكز هى دكرنس منية النصر وبنى عبيد ومحل الدمنه وتمى الامديد . -جزء من المعلومه من اهل محمد وجزء وصلهولى مراسل جريدة الغد فى دكرنس محمد صبرى اسماعيل .
8-قمت بتسجيل تلك الاحداث والتصريحات والمواقف على شكل صور ومقاطع فيديو وقمت بنشرها كالتالى :
اضغط على الصوره لحجم اكبر ووصف للمحتوى على فليكر
كل شريف فى مصر مطالب اولا برفض الظلم دا بينه وبين نفسه وجيرانه واهله
ثانيا نصرة اى مظلوم وفضح ممارسات النظام ضده زى ما فى حالة خالد سعيد ومحمد صلاح
وبكره ان شاء الله فى وقفه بندعو ليها كل شرفاء مصر بغض النظر عن انتمائتهم السياسة او حتى عدم اهتمامهم بالسياسية لان دا حق انسانى للكل
بكره الوقفه هتكون قدام البوابه الغربية للمستشفى الدولى التخصصى بالمنصوره "امام بوابةالعيادات الخارجيه " والمستشفى مكانها خلف استاد المنصوره
نرجوا الاهتمام والمسانده من الجميع
شعل رائع بجد جزاك الله خير وانا قاهريه للأسف كنت جيت معاكم وربنا يشفي محمد ويرجعله حقه بأذن الله
ردحذفربنا معاكم
ردحذفحسبي الله ونعم الوكيل فيهم وربنا يرجع حقوق كل اللي اتعذبوا واتظلموا ويهد جبروت الشرطه ياااااارب
ردحذفربنا معاكم ويصبر اهله
ردحذفربنا علي الظالم
ردحذفاللهم ارفع عتا الظلم
ردحذفالحمدللة ان مصر بخير طول مفيها شباب عظيم مثلكموربنا معاكم
ردحذفايوه يعنى ايه اللى تم وحصل دلوقتى مع محمد صلاح
ردحذفاتنازل ؟؟؟؟؟؟؟؟؟؟؟؟
ماهو ماينفعععععععش انهم يتنازلوا مهما حـــصــــل
موقفهم قــوى أكــتــــر مايتخيلوا الايام دى
.
.
أرجـــوووووك طمنـنـا ايه اللى حصـــل
ربنا يباركلك يا رب ويثبتك ان شاء الله
ردحذف